Ураг төрлийн хол нь дээр

Сайн байцгаана уу? Би 30 настай, эхнэртэйгээ гэрлээд 7 жилийг ардаа үлдээсэн, 2 хүүхдийн эцэг жирийн л нэг залуу. Эхнэр маань хүү охин төрүүлж өглөө, лизингээр байр машинтай боллоо, ажил маань ч боломжийн шатанд хүрсэн нэг ёсондоо чамлалтгүй амжилттай яваа гэр бүл. 

Манай яг хажуугийн байшинд хадам аав ээж эгч 3 амьдарна. Манай хүүхдийг өдөртөө хараад бидэнд их их тус болно. Би ч эхэндээ хадмуудтайгаа өөрийн л ээж аав шиг үзэж аль болох сайхан харьцдаг байлаа. Эхний нэг хоёр жил ч гайгүй л байлаа. Тэгсэн сүүлийнхэдэн жил нэг бишээ. Гэр бүлд нь нэг эсрэг намын нөхөр ороод ирсэн аятай миний хэлсэн хийсэн бүхэн таалагдахаа больж эсрэг намын эсэргүүцэлтэй тулгарна(хадамууд). Уул нь шинжлэх ухаан, онол, практикт нийцсэн зүйл байсан ч хамаагүй нэг нь үгүй тийм биш гэсэн л бол бусад нь юу ч бодохгүй NO NO NO. Тэгэхээр нь сүүлдээ хадмынд очхоороо юм ярихыг, тэдэнтэй ямар нэг байдлаар харилцахыг хүсхээ байж, ТВ үзэж утсаа оролдсон хүн суудаг боллоо. Сүүлдээ эхнэр маань уурлаж аав ээжийг минь хүндэлсэнгүй, тэднийг харж үзсэнгүй гэнэ. Үүнээс болж бид ойр ойрхон муудалцдаг боллоо. 

Бидний муудалцах явдал даамжирсаар хайр нь бөхвүү гэлтэй эхнэрээ сонирхохоо больж, секс хийсэн ч эрхтэн маань бүрэн хөвчрөхгүй сулбайсан амьтан боллоо. Би чинь залуу хүн арай сулралтай бол байгаан биш байгаа, эсвэл эхнэртээ хайргүй болж байгаа юм уу гэж бодон хаяа айдаг боллоо. Гэтэл нэгэн удаа санамсаргүй учралаар нэгэн бүсгүйтэй шөнийг өнгөрөөж анх удаа эхнэрээ араар нь тавьдаг юм байна. Гэтэл 10 жилийн өмнөх шиг л дэлбэрэх вий гэлтэй хөвчирч байна. Ингээд сулралгүй юм гэдгээ нотоллоо. 

Энэ явдалдаа гэмшин хэдэн хоног бодолд автлаа. Бид яагаад ингэж хөндийрөх болов? Эхнэр бид хоер ингээд хамтын амьдралаа дуусгаж байгаа юм болов уу? Хайр байхгүй? Саллаа гэхэд хүүхдүүдээсээ сална гэж үү? Нэг бол ингээд нууц амрагтай болоод амьдрах уу… гэх мэтээр их олон зүйл бодлоо. Эцэст нь хадмуудаас л холдоё, муудалцах шалтгааны талаас илүү нь хадам хүргэний харилцаа, эцэг эхээ нэг бол намайг өмөөрөх эхнэрээ ч бодлоо. Хэсэг хугацаанд тэвчиж амьдарсаны эцэст эхнэртээ гэнэтийн бэлэг барьж хотын нөгөө захад эхнэрийнхээ мөрөөдөж байсан дезайнтай, орчинтой орон сууцаар өөрийн орон сууцаа сольхоор санал тавьлаа. Эхнэр маань их баярласан ч хүүхэд харуулах хүн, ээж ааваас хол гээд л тээнэгэлзэж эхэллээ. Би ч рекламдсаар байж нэг зөвшөөрүүлэн хотын нөгөө зах руу нүүлээ. 

Долоо хоногт 7 өдөр тэвчиж зочилдог байсан хадмынд НЭГХЭН өдөр зочилдог болж, 1 биш 2 өдөр зочлуулах гэж хадмууд маань хайлж эхэлсэн шүү. Эхнэр бид хоёр муудалцахаа больж, хаяа түр тар хийсэн ч орондоо ороод л хайрлан дурлаж романтик хосууд болж хувирлаа. Хамгийн гол нь нөгөө сулбайгаад байсан эрхтэн маань эргээд муна болов. 

Эцэст нь хэлэхэд УУЛ УСНЫ ОЙР НЬ УРАГ ТӨРЛИЙН ХОЛ НЬ ДЭЭР юм байна лэ. Гэр бүлийн уур амьсгалд ч энэ нь сайн талтай байх шүү… Бүр анхнаасаа л…