Хүний итгэл даах хүн олно л гэсэн итгэлтэй яваа…

Манай эхнэр нилээн царайлаг сайхан амьтан байдаг юм аа. Бид хоёр одоо хамт амьдраад 8 жил болж байна. Одоо нэг хүүхэдтэй. Эхнэр бид хоёр өмнө хэдэн хүнтэй уулзаж байснаа ярьцгааж байсан. Манай эхнэр надаас өмнө нэг ахтай уулзаж байсан гэсэн. Ер нь юм аа бие биеэсээ нуудаггүй. Тийм болохоор би эхнэртэй маш их итгэдэг байлаа. Харамсалтай нь сарын өмнө нэг том нууцыг нь олж мэдэв.

Манай нэг найз байдаг юм. Одоо гадаадад амьдардаг. Бид хоёр их сургуулийн найзууд. Тэр 4 дүгээр курсэд байх даа сургуулиа хаяад Солонгос явчихсан. Би яг 4 дүгээр курсэд ордог жилдээ эхнэртэйгээ анх танилцаж байлаа. Тэгээд яахав оюутнууд 7 хоног болгон л гарч орно. Ялангуяа тэр найзтайгаа их гардаг байсан. Эхнэртэйгээ танилцахаасаа өмнө тэрэнтэй 2-уулаа гарч охидуудтай зөндөө танилцаж явсаан.

Тэгээд манай найз Со явж би ч эндээ сургуулиа төгсөөд ажилд ороод байж л байна. Бид 3 хамт шоуддаг байсан болохоор манай найз манай эхнэрийн бас нэг сайн найз болсон гэх үү дээ. Заримдаа асуухаар тэрэнтэй чатласан тэгэж байна лээ гээд надад хэлдэг. Би ч юм боддоггүй байсан юм. Найз Со-гоос ирэхээрээ манайд 2-3 ирж байсаан. Бид 3 шөнө болтол ууж юм яриад сууж байсан. 1 удаа нь манайд хоносон.

Ингэсгээд л өдөр хоног өнгөрөөд байж байтал сарын өмнө эхнэрийн утас эвдэрвээ. Бүр асахаа байчихсан. Тэгээд бид хоёр Тэдид очиж утсыг нь өгчихөөд нэг газар ороод хоол идээд сууж байсан чинь эхнэр миний утсаар яаралтай юм шалгаадхая гээд фб аккаунтаар орсон юм. Тэгээд logout хийгээд л миний утсыг өгсөн. Би ч юу бодохов. Амралтаар хаашаа явах уу нтр гэж ярьж байгаад утсыг нь янзалж дуусангуут нь салаад ажлаа хөөцөлдөөд яваад өгсөн. Тэгээд утсаа харсан чинь эхнэрийн нууц үг аккаунт хоёр нь утсанд санагдсан байсан. Би дарсан чинь шууд орчихсон. Тэгээд ямар эхнэрээ хардах биш юм бодоогүй.

Тэгээд ажил дээрээ ирчихээд юм аа хийгээд сууж байсан чинь утасны мэдэгдэл ирээд харсан чинь манай нөгөө найз эхнэр рүү мсж бичиж байна. Би ч за юу билээ гээд хэсэг хараад. Тэгсэн чинь нилээд их ярилцдаг бололтой шүү. Өнөөдөр яах гэж байгаа ийх гэж байгаа гээл амьдралаа бичилцээд уналаа. Би яг аккаунтыг нь нээж хараагүй дандаа мэдэгдэл дээр ирж байгаа мсжнүүдийг уншаад хараад байсан. Хэсэг ярилцаж байгаад за орой бичий гээд дуусаж байх шиг байна. Би жоохон гайхаад нөхөр хүүхэдтэй байж ямар дотно юм бэ гэж бодоод дотроо эгдүү хүрээд эхэлсэн.

Гэхдээ эхнэртээ юм хум хэлээгүй. Андуурч байж гомдоочих байх гэж бодоод чимээгүй л байсан. Орой 8 өнгөрөөгөөд гэртээ ороод хоол унд идчихээд хүүхэдтэйгээ жоохон тоглож байгаад хөгшин нь унтлаа гээд түрүүлээд хэвтээд өгсөн. Манай хүн ч яахав нөгөө дуртай хэдэн киногоо үзээл нөгөө өрөөнд. Тэгээд бүр 10-н үед мсж ирж байна. Бичиж болж байна уу гээл асууж байна шүү манай найз. Тэгээд уншаад байж байсан чинь ямар аймаар дотно хоёр юм бэ. Би бүр найзууд байж болно гэтэл ингэтлээ зовлон жаргалаа ярьдаг байж болох уу. Хэсэг юм бичилцэж байснаа ярианы сэдэв доошоогоо ороод эхэллээ шүү. Найз нэг хүүхэнтэй явалдаж байгаа гэснээ тэрнийхээ талаар ийм тийм гэж ярьж байснаа “чамайг яаж гүйцэхэв дээ” гэж авдагийн. Би бүр пал хийсэн.

Тэгсэн чинь манай эхнэр яасан гоёын чи одоо болтол намайг санадаг юм уу гээд л бүр эрхлээд байна. Цаадханд чинь баригдахгүй хоёулаа нэг уулзая л даа гээд асууж байна. Тэгсэн чинь одоо дэмий байх өө. Дээр хоёулаа балрахаа шахсан биз дээ гэж байна. Би бүр шоок хэзээ юу болчоовээ гэж бодоод. Балрах шахсан гэдэг нь дээр манайд хоноход би нилээн согтсон юм. Намайг унтаж байх хооронд л амжуулсан юм билээ. Одоо очихоор хоёулаа буудалд тухтай хийе гэж байна. Тэгсэн эхнэр харин л дээ нөхрийн найз болохоор заримдаа хэцүү юм аа. Гэхдээ чи миний анхных болохоор өөрийгөө хорьж дийлкүүмаа гэж байна. Ингээд л би ойлгосон.

Надтай танилцах үед миний эхнэр онгон байсан юм билээ. 4 дүгээр курсэд надтай үерхэж байх даа ардуур манай найзтай явалддаг байсан болж таарсан. Тэгээд түүнээс хойш Со яваад дараа нь Монголд ирэхдээ боломж гарвал уулзчихдаг байсан юм билээ. Би тэр орой эхнэртэйгээ юу ч яриагүй. Худлаа унтаж байгаа дүр үзүүлээл шөнөжин юм бодоод баахан юм тооцоолсон. Явж явж намайг согтоогоод нөгөө өрөөнд заваарч байх даа яахав дээ гээд. Маргааш өглөө нь босоход эхнэр анх удаа шаал өөр хүн шиг харагдаж байсан. Өөрөө юу ч мэдээгүй. Би ч босоол юм хумаа аваад хийж өгсөн хоолыг нь амсаачгүй хаяад гарсан.

Тэр өдөр ажлаасаа чөлөө аваад хуучин найз дээрээ очоод тасартлаа уугаад. Нөгөөдөр өглөө нь арай гайгүй болоод ажилдаа юу ч болоогүй юм шиг явсан. Одоо бараг сар болж байна. Би хэрүүл хийх санагдсан үе байгаа. Даанч охиныхоо хажууд дэмий гээд ерөөсөө юм дуугарахгүй байгаа. Эхнэр харин чи нэг л сонин болчихсон юм болсон юм бэ гээд л асуугаад байгаа. Тэр үед нь гүй ээ зүгээр ойрд ажил жоохон тааруухан гээл худлаа амыг нь таглачихна.

Саяхан хуульч дээр очоод эд хөрөнгө мөнгө санхүү ийм тохиолдолд яах вэ гэдэг зөвлөгөө авчихаад ирсэн. Ямартаа ч салахаар шийдсэн. Харин энийгээ ил гаргаагүй л байгаа удахгүй өөрт нь пал хийтэл нь хэлнэ дээ. Тэгээд охиноо аваад явна. Амьдрал ингээд дуусах биш дээ. Би бас ч үгүй залуу байна. Хүний итгэл даах хүн олно л гэсэн итгэлтэй яваа…