Хил хязгаар даваад байгаа юм шиг санагдаад байна

Сайн байцгаана уу? Би нөхөртэйгөө танилцаж үерхэж хамт амьдраад 4 жил болж байна. Би 25-тай нөхөр 30-тай. Бид хоёр 5 сартай охинтой юм. Нөхөр өмнөх амьдралаасаа хүүтэй. Надтай танилцахаас өмнө салаад тус тусдаа өөр аймагт амьдардаг байсан хүмүүс юм аа. Надтай анх танилцахад хуучин эхнэр нь огт хүүхэдтэйгээ уулзуулдаггүй, яриулдагчгүй байдаг байсан. Сар бүр шүүхээр тогтоосон мөнгөө төлж явдаг байсан энэ хугацаанд. Би өөрөө амьдрал зохиож үзээгүй болохоор энэ асуудалд чнь оролцохгүй ээ гэдэг юм уг нь.

За тэгтэл 2 жилийн өмнө нэг гэрт орохоор болсныг мэдснээс хойш нөгөө утсаа авдаггүй хэдэн жил блоклоод алга болсон хүн гэнэт л гараад ирсэн. Шөнө орой болохоор согтуу залгаад хүргээд өг ийм тм караоке бааранд байна гээд. Сүүлдээ надруу залгаад нөхрийг баахан муулаад сал2 би ч бас наадахтай чнь нийлэхгүй ийм тийм хүмүүс шдээ гээд хадмуудыг хүртэл ярьсан. Би бүр гайхаад чимээгүй л өнгөрсөн инээдтэй. За тэгээд өөрөө дуудахаар нь ирэхгүй болохоор сүүлдээ хүүхдээ түрий барьж бид 2-г ийш тийшээ хүргээд өгөөч чамаас өөр гуйх хүн алга гэж нөхрийг гэр орондоо дуудаж 2 талд их гүйлгэсэн. Манай нөхөр хүүхдээ л бодож явж байна. Яах уу? Чамд муухай байвал явахгүй байя л гэдэг байсан.

Энэ хооронд би жирэмсэн болоход бүр хурцдаад эхэлсэн. 7 хоног болгон зоолттой 300к нэхнэ ийм ч тийм ч сургалт. Ийм тийм хувцас хичээлийн хэрэгсэл, өдөр өнжүүлэх бүр дуусахгүй олон шалтагтай. За шинэ хүнээ авах гэж байж ийм хэрүүлээр яахав дээ гээд өгдөг байсан юм сүүлийн нэг жил. Одоо бид байр, машины зээлтэй, хүүхдэдээ асрагч аваад би бас ажил төрөл хийе гэсэн бодолтой байхад хичээл эхлэх гээд байна 2 сая төгрөг өнөө маргаашгүй явуул гээд нөхрийг бас дарамтлаад уналаа. Өдөр шөнөгүй залгаад яг одоо явуулаадахаа бэлдэх гээд байна л гээд. Голд нь нөхөр л өрөвдөлтэй юм аа нөгөөдөх нь мөнгө нэхээд байдаг надаас санаа зовоод шууд гаргаад өгчиж чадахгүй. Бүр ёстой яахаа мэдэхээ байлаа. Миний хувьд хил хязгаар даваад байгаа юм шг санагдаад байна. Эсвэл би нөхрөөсөө салах ёстой юм болов уу? Бүр нээрээ хямраад хэрэг алга аа.