Бүсгүйчүүдийн 11 цэг

Эрэгтэйчүүд эмэгтэй хүний биеийн хаана нь хүрэх дуртайг бүгдээрээ мэднэ. Гэхдээ зөвхөн умдаг, хөх, өгзөгнөөс өөр чухал газар байна. Маш олон мэдрэлийн судлын төгсгөл тэнд таарч, түүнд хүрэнгүүт таатай мэдрэмж бүх биеийг нь эзэмдэн, нөгөө байдалд оруулахад нийтлэг тэр хэдэн хэсгээс бүр илүү үр дүнтэй байдаг. Өмнөтгөл болон сексийн үед эдгээрийг оролдох, эсвэл зүгээр л хүндхэн өдрийн орой нөгөөдөхөө тайвшруулахад танд зоолттой хэрэг болно.

Үс

Эмэгтэйчүүд зүгээр л хөөрхөн байхын тулд байн байн үсчин яваад байдаггүй юм байна. Угаалгах, тайруулах, будуулах, хэлбэрт оруулах зэрэг нь нөгөө талаас стресс тайлдаг ажээ. Үсэнд нь гараа оруулж, зөөлөн явуулах нь доод эрхтэн рүү нь сэжүүр өгөх найдвартай арга. Зулайнаас нь эхлээд шилэн хүзүү хүртэл нь тойрог маягаар иллэг хийгээд өгөхөд ер нь л унаад өгнө дөө.

Шилэн хүзүү

Шилэн хүзүүнд нь хүрэхээрээ зөөлхөн хэд үнс. Японд дээр үед шилэн хүзүү болон нурууны дээд хэсэг нь хувцсанд халхлагддаггүй байснаараа эрчүүдийн сэтгэлийг гижигддэг гол газар байжээ. Орчин үед бусад таашаалтай хэсгүүдээс болоод шилэн хүзүүг нэг их тоохоо больчихсон ч шилэн хүзүүн дээр нь үнсэхийн үр дүнг дутуу үнэлэх нь зохимжгүй юм шүү.

Эгэм

Эмэгтэй хүний эгэмний яс тод товойсон байх тусмаа тачаангуй байдаг. Түүний энэ байдлыг магтан дуулж зөөлөн үнсэлт, иллэгээр шагнаж яагаад болохгүй гэж? Биеийн энэ хэсэгт анхаарлаа сайн хандуулж бай. Бүрэн хувцастай байсан ч, цамцных нь дээд хэдэн товчийг нь тайлахад л хангалттай шүү дээ. Анх яаж эхэлснийг нь сануулах зорилгоор хувцас бүрэн алга болсон ч гэсэн тэр хавийг эргэн тойрч байж болно.

Далны хооронд

Олон хүний дунд эмэгтэйгээ дагуулж явах хамгийн сайн арга бол далных нь хооронд гараа тавих. Энэ үйлдэл нь мөрөөр нь тэвэрхэд санагдаж мэдэх дарамтгүйгээр өөрийг нь хамгаалж байгаа гэж бодогдуулдаг. Хоёулхнаа байхдаа нурууг нь долоох юм уу, үнссээр далны хооронд очих үед зүрх нь хурдан цохилоод эхэлчихсэн байх болно.

Өвдөгний ар

Эмэгтэйгээ өдөөх гэж байгаа эрэгтэйчүүдийн санаанд огт ордоггүй газар бол өвдөгний ар юм. Уг нь бол хангалттай мэдрэмтгий шүү дээ. Олны дунд байхдаа юбканых нь доогуур жаахан оролдох нь гэртээ очмогцоо ажилдаа ороод завгүй болох суурийг тавьж өгнө. Хоёулхнаа байхдаа ч гэсэн энэ хэсгийг жаахан оролдож өгөхөө мартваа.

Гарын алга

Хүмүүс гараа хамтрагчдаа таашаал өгөх хэрэгсэл болгож ашигладгаас биш гар өөрөө өдөөх чадвартай гэдгийг нь бараг мэддэггүй. Гарынх нь алгыг оролдох нь эргэн тойрныхоо хүмүүст огт саад болохгүйгээр анхаарал тавьж болох цэг юм. Алган дээгүүр нь хуруугаа гүйлгэхэд, алга нь ирвэгнэж чамайг арай өөрөө харах вий.

Чихний гэдэс

Чихний гэдсийг оролдох, үнсэх, бүр зөөлөн хазахад хүртэл нөгөөдөхний чинь юм нь хөдөлж эхэлнэ. Энэ гайхалтай зөөлөн хэсэг нь маш мэдрэмтгий бөгөөд эрэгтэй хүний уруул чихэнд нь хүрэхэд дургүй эмэгтэй гэж бараг байхгүй. Чихийг нь тойруулаад бас эрвэгнүүлж болох ч битгий л чих рүү нь хэлээ хийж үзээрэй.

Хөл

Pulp Fiction киноноос нөхөртэй эмэгтэйн хөлийг оролдох нь цонхоор шидүүлэхэд хүрэлцэхүйц ялтай хэрэг гэдгийг ойлгосон юм. Тэгэхээр хөл бас учиртай байгаа биз. Ялангуяа өдөржин зогсоо ажилтай байдаг хүний хувьд массаж хийж өгөхөөс илүү дээр хөлийг нь амраах арга бас бий. Массажны тос ав. Хуруу, шагай, улны дотор талыг анхаарлдаа ав. Эмэгтэйчүүдийн зарим нь хөлийнхөө хурууг хөхүүлэх дуртай байдаг бол зарим нь харин дургүй байдаг юм. Тиймээс тэгмээр байвал эхлээд асуугаарай.

Гуяны дотор тал

Умдаганд хүргэхгүйгээр гараа гуяных нь дотор талаар аялуулах нь түүнийг яаруулах маш сайн арга. Хоёр гараа хоёуланг нь, мөн уруулаараа дотор талыг нь үнсэж, нөгөөдөхөд нь дөхөн алдан дөхөн алдан байх хэрэгтэй.

Сүүж

Сүүжинд жаахан анхаарчихад буруудахгүй шүү. Гэхдээ доошоо умдаг руу нь гулгаад орчихгүй л байх хэрэгтэй. Гуяны дотор талтай адилхан, сүүжний хавьд оролдоход тэр удалгүй илүү ихийг хүсч эхлэх болно. Өөр нэг хэсэгт анхаарлаа хандуулах замаар юмыг удаашруулаарай.

Тэнд л бүү хүрээрэй

Хүний биеийн бүх л хэсэгт мэдрэлийн судас байдаг ч гэсэн хаана ч хамаагүй хүрч болно гэсэн үг биш. Зарим эмэгтэй нүүрэндээ хүргэх дургүй байдаг. Зарим нь бас гижигтэй. Гэхдээ чи аялах тусам хаана болдог, хаана болдоггүйг нь илүү сайн мэддэг болно.