Меган Фокс бие давхар болжээ

Жүжигчин Меган Фокс бие давхар болсон гэдгээ зарласан байна. Тэрбээр даваа гарагт /2024.11.11/ өөрийнхөө бие давхар зургийг “Ямар ч зүйл бүр мөсөн алдагддаггүй. Эргээд тавтай морил” гэсэн тайлбар болон сүйт залуу MGK-ийнхаа “Last November” дуутай хамт нийтэлжээ.

Фокс, MGK хоёрт жил гаруйн өмнө нярай нь зулбасан харамсалтай явдал тохиолдсон. Хосууд дөрвөн жилийн өмнө танилцаж, 2022 онд сүй тавьсан гэдгээ зарласан юм. Тэдний харилцаанд хэд хэдэн удаа асуудал гарч, өнгөрсөн гуравдугаар сард Фокс сүй тавьснаа цуцалсан гэж мэдэгдэж байсан. Тавдугаар сард “Entertainment Tonight” сэтгүүл мэдээлэхдээ хосууд харилцаан дээрээ ажиллаж байгаа гэжээ. Фокс өмнөх нөхрөөсөө гурван хүүхэдтэй. Харин MGK өмнө нь үерхэж байсан найз охиноосоо нэг хүүхэдтэй юм.

Эх сурвалж: Eguur.mn