Өвгөн шиг л явж байна

Би 34-тэй. Анх 20 настай хүнтэй унтаж үзсэн ч байжаагаад буучихсан. Түүнээс хойш олон эмэгтэйтэй үзлээ. 90%-д нь буудаг. Эсвэл тавьдаггүй. Нэг охинтой хэдэн жил үерхсэн. Нэлээн сайжирсан ч тавихгүй, найз охиноо тавиулаад дараа нь саалгаж байж тавьдаг байсан. Яагаадыг мэдэхгүй юм.

Нэг удаа ажлаар эр бэлгийн даавар үзүүлсэн минийх хэвийн байсан. Багадаа их бие султай, байнга өвдөж их эм уудаг байж. Тэрнээс болсон уу хөгшин хүн шиг болчихсон. 21 наснаас хойш цас бороо орох сургаар хүзүү өвддөг болсон гээд бод доо. Даралт бас өндөр байна гэдэг. Одоо хүзүү байнга хөшнө, хүзүүгээ хааяа дуугаргавал хамгийн сайхан.

Сүүлийн 4 жил секс хүсэхээ ч болжээ, өвгөн шиг л явж байна. Чадахгүйгээс хойш гээд хүнтэй ч танилцахаа больж. Ноднин найзуудаараа массажинд орж үзлээ. Нөгөөдүүл секс хийж байхад би усанд орж гарж ирээд өмдөө өмсөөд зөвхөн нуруу, хүзүүгээ бариулсан. Массажчин охин гайхаад, учраа үнэнээр нь хэлсэн. Намайг өрөвдсөн үү яасан нуруу хүзүүний блок гаргадаг хүмүүс байдаг, та тийш бас заавал эмчид оч гээд. Хэлснээр нь хүзүүний блок гаргадаг уламжлалтын эмчид очиж блокоо гаргуулсан. Тэндээс амьдралдаа үзээгүй сайхан таашаал мэдэрлээ. Түүнээс хойш 14 хоног бүр блок гаргуулдаг болсон.

Сексийн сайхныг мэдрээгүй, байнгын зовиуртай хүнд энэ л сайхан юм даа. Ингээд яваад байвал болмоор ч бас эхнэр авч, эцэг болмоор санагдах л юм. Эмчид хандвал нэмэртэй болов уу? Сулрал ер нь эмчлэгддэг үү? Төрөлхийн чалх муутайн болов уу?