Нууц амраг

Нууц амрагийн харилцаа сэтгэцийн, сэтгэл зүйн хараат байдлыг үүсгэдэг гэдэг утгаараа донгийн шинжтэй байдаг. Бусад донгуудын нэгэн адил энэ дон ч мөн тухайн хүнийг энэ харилцаанаасаа түр зуурын, “бага зэрэг гайгүй болох…” мэдрэмжийг өгч байдаг.

Энэ сэтгэл ханамж нь өдөр тутмын, бодит амьдралаар шалгагдах хүртэл үргэлжилж болох ч… “ухаарах” үед нь жинхэнэ амьдрал нь устчихсан, насны ханиа гомдоочихсон, итгэл алдчихсан, өөрөө өөртөө өөрийнх нь нэр хүнд уначихсан, хүүхдүүдээсээ холдчихсон… гэх мэт үй олон хор хохирол гарчихсан байх нь бий.

Гэр бүлтэй хэрнээ НӨХӨӨСНИЙ ХҮН-тэй бөгөөд, дараах асуултуудын аль нэгэнд -Тийм гэж хариулж байвал та сэтгэл зүйн хараат байдалд байна гэж ойлгоорой.

• Ихэнх цагаа тусдаа өнгрөөдөг ч хамт л байхгүй бол болохгүй гэж боддог
• Харилцаагаа болих юм бол сэтгэл санааны хоосролд орно гэж айдаг
• Уур уцаар, санаа зоволт, айдас, хардалт хань ижилдээ/нууц амрагтаа
• Нууц амрагаа бүх /сексийн, сэтгэл санааны, танин мэдэхүйн… г.м / бүх хэрэгцээг нь хангана гэсэн өндөр хүлээлттэй байдаг
• Ну/а нь өөрийнх нь төлөө юугаа ч өөрчилж чадна, юу ч хийж чадна гэсэн бодол
• Хэзээ л бол хэзээ холбогдох, өөрт нь цаг гаргах боломжтой байх ёстой гэж шаарддаг
• Хүний хувьд маш их “хайрлагдсан”, “хүлээн зөвшөөрөгдсөн” гэдгээ мэдэх, мэдрэх хүсэл
• Тэр хүнтэй хамт биш л бол тухгүй, бухимдаад байх…