Манайх, минийх, бид гэсэн юм байхгүй

Манай эхнэр гадаад хүмүүс ажилладаг, гадаад эзэнтэй, гадаад хөрөнгө оруулалттай компанид л ажилд ордог, дан монгол хүмүүс байдаг компанид бол алт амласан ч хэзээ ч орохгүй.

Анх танилцахдаа л гадаад хүнтэй сууна гэж ярьдаг байсан 15 жил өнгөрөхөд ч тэр бодол нь хэзээ ч алга болоогүй. Оюутолгойн нэг австралийг найз охиноос нь салгаж сууна гэж нөгөө охидуудтай нь өрсөлдөөд. Тэр нь тэнд ажилладаг 20 гаран насны хоёр ч монгол охинтой ээлжийг нь зөрүүлж явалддаг.

Одоо бас л нэг гадаад компанид. Ажил олдохгүй байна гээд байгаад л байна, шалтгаан нь зөвхөн гадаад хүмүүстэй компани олдохыг л хүлээдэг. Монгол компани 10 сая өгсөн ч орохгүй, гадаад компани 2 сая өгөхөд л баярлаад л ордог. Гэр бүлээрээ гадаадад гарч амьдаръя гэж гуйдаг. Бүүр олон сонголтон дунд очиж амьдрахыг надаас гуйдаг насссннн.

Би бол тэр хүний гол гатлахдаа усанд унахгүйн тулд дараачийн гишгэх чулуу олдтол түр гишгээд зогсож байгаа л чулуу. Манай амьдралд ямар ч ирээдүй байхгүй. Зөвхөн манай эхнэрийн ирээдүй, зорилго, нууц төлөвлөгөө нь л чухал. Нууц далд өөр зорилготой хүмүүс хамт амьдрахад амьдрал хэзээ ч урагшилдаггүй юм байна гэдгийг ойлгосон. Манайх, минийх, бид гэсэн юм байхгүй зүгээр л цаг нөхцөөж амьдрал үрсэн…