Сайн уу Монгол эрчүүдээ наашаа…

Энэ өдрийн амгаланг эрэе. Өргөн Сибирээс дахиад л би бичиж байна. Ойрд Лена мөрний хөвөөгөөр айхтар хүйтэрч байна. Гэхдээ энэ нь өвлийн загасчидын жинхэнэ диваажин болно. Майхан босгоод, дулаан дэвсгэр доороо дэвсээд, дотроо мини буржуйка галлаад, жижиг цооног өрөмдөөд тэндээ загасчилж хононо. Тухлаг гэж жигтэйхэн. Эвхдэг орон дээр эхнэр нь унтаж байхад эр нь уургаа хараад пиво шимсэн шиг л сууна шдээ.

Та бүхний бичсэн коментуудыг хараад маш урамшлаа. Ямар олон хүн уншаа вэ? Юу бичсэн нь сонин биш. Тоо нь чухал. Миний хуучин ажлын залуус чат бичээд “Энэ та л бичээд байна шдээ. Өдий насанд ийм сайтад сонин юм бичих хэрэг байна уу? гэж байна. Миний амьдралыг мэддэг болохоор тэд уншаад танилгүй яах вэ дээ. Тиймээ дүү нар минь. Цомхотголоор халагдаж, эхнэртээ хаягдаж, нутгаасаа дайжиж явсан зүтгүүрийн машинист Боогий ах нь мөн байна. 40 дөнгөж гарангуут л хөгшин гэж гологдсон тэр л эр байна. Тэр үед би ямар азгүй байваа.

Одоо ах нь 50 ч хүрээгүй гялалзаж л явна. Харин энд зүтгүүр биш шалаанз барьж байна. Амьдрал цэцэглэж байна. За одоо уламжлалт сэдэвдээ орьё. Сибирьт миссийн олон уралдаан зохиогдоно. Мисс Сибири юниверсал, Мисс Сибири гранд гээд л. Үүнээс гадна зөвхөн орон нутгийн Мисс Симпатий Сибири гэж болно. Энэ жилийн уралдаанд буриад охин түрүүлж байна. Орос хүүхнүүд яг европ төрхөө гээж эрлийзэрхүү онцлог ялдам төрхийг олсон. Немц хүүхний хэт хөнхөр нүд, польш хүүхний хавчгар шонхор хамар бараг байхгүй. Цэнхэр нүд нь аягаа дүүргэж зөөлөн энхрий төрхтэй болж хурц үзүүртэй шонхор хамар биш харин өндөр тэгш хамар нь нүүрнийг нь зөв хэлбэртэй харагдуулдаг.

Тийм учраас орос эмэгтэй дэлхийн хамгийн сайхан 5 эмэгтэй үндэстэнээр нэрлэгддэг. Даанч эрчүүд нь ховордсон. Тийм л учраас би энд маш хэрэгтэй нэгэн. Заавал тэнгэрийн амьтан шиг байх хэрэггүй. Зүгээр л хайрлаж энхрийлж л байвал чиний хайрын чинь боол орос бүсгүй байх болно. Монгол хүүхнүүд хүний дэргэд эр нөхрөө муулах нь жирийн үзэгдэл. Харин орос эмэгтэй тэгэхгүй. Энэхэнээр завсарлая. Хараалыг тоохгүй, хэрүүлийг хийхгүй, магтаалыг алдахгүй. Түр бака…