“ХААН” банкны захирал Питер Морроу өөрөөсөө олон дүү туслах бүсгүйтэйгээ амрагийн холбоо тогтоожээ

“Хаан” банкны захирал ноён Питер Морроугийн амрагийн явдлууд сураг ажиг төдийд сонсогддог байсан бол одоо бүр ил цагаандаа гарав. Сүүлийн үед ноён П.Морроу өөрийнхөө нарийн бичгийн дарга Пагма хэмээх бүсгүйтэй дотно харилцаатай болоод байгаа нь банкных нь бүх ажилчдын өмнө ил болоод байгаа аж. Тэр ч бүү хэл мань эр бүр суух дээрээ тулж, түслах бүсгүйгээ гэртээ авааччихсан” хэмээн ярилцацгааж байх юм. Гэвч энэ асуудал “Хаан” банкныханд төдийлөн таалагдахгүй байгаа бололтой. Зарим хүн “Захирал өөрийн албан тушаалаар далайлгаж Пагмааг авгайгаа болгосон” гэж хүртэл ярьж байх юм. Арай ч дээ.Ажил хэргийн асуудал бол хувийн харилцааны асуудлаас ангид байх ёстой гэж цэцэрхдэг америкчууд ажлын байран дахь бэлгийн хүчирхийлэл, дарамтын асуудалд маш хурцаар хандаж, хамгийн жигшмээр үйлдэл гэж үздэгийг та мэдэх байх. Харин тэгвэл тэрхүү “үлгэр жишээ” орны иргэн ажлынхаа өрөөнд банкныхаа ажил хэргийн тухай толгойгоо гашилгах бус өрөөгөөр нь орж гарах залуухан хүүхний өгзөг ширтэн шүлсээ залгин суудаг нь байх нь. Уг нь бол АНУ-даа гэр бүлтэй хүн байтал өөрийнх нь хүүхдээс ялгаагүй залуухан хүүхнийг албан тушаалаараа далайлган дотно харилцаатай болоод үүндээ огтхон ч буруу зүйл хийсэн шинжгүй байсаар байгаа нь тийм ч ухаантай хүний шинж лав биш байх гэж ярих улс ч цөөнгүй байна. “Хаан” банкны захиралын энэ амрагийн холбооноос болж тус банкин дээр ажлын байрны дарамт байдаг гэсэн яриа ч чих дэлсэж эхлэв. Одоогоос 2 жилийн өмнө л ТВ9 телевизийн шөнийн хөтөлбөрт нэгэн бүсгүй утсаар холбогдон “Хаан” банкинд ажлын байран дахь бэлгийн дарамтын асуудал байсаар байгааг, тус банкинд тушаал дэвшихэд эмэгтэй ажилтнуудад ийм асуудал тулгарсаар байгаа тухай ярьж байсан гэнэ. Тэгвэл тэр нь улам даамжирсаар одоо бүр зүгээр нэг байдаг л зүйл мэт хандаж, захирал нь хүртэл ажлын байр цуг ажилладаг залуухан хүүхнийг татаж чангаан эхнэрээ болгодог болсон гэж ярьцгааж байх юм. Хамгийн гол нь түүний туслах бүсгүй залуухан царайлаг нэгэн. Тэгээд ч энэ америк эр эхнэр хүүхэдтэй учраас түүнийг олон хүн буруутгаж, бас хардаж сэрдэж байгаа бололтой. Тэр ч бүү хэл 60 гарсан настай энэ эрхмийн УИД-ийн урд байдаг орон сууцны хаалгаар нь Монголын сайхан бүсгүйчүүл орж гарахыг тэр хавийнхан нь нэг биш удаа харсан байх юм. Бас болоогүй Монголын алдартай дуучин бүсгүйтэй нэр холбогдож, түүндээ багагүй хэмжээний мөнгө хөрөнгө хаясан тухай яриа гараад эхлэнгүүт томоохон хэмжээний рекламны гэрээ хийсэн болж хүмүүсийн амыг дарж авсан гэх яриа ч байдаг.

SOURCE: Тэргүүн сонин