Бэлгийн харьцаанд эрт орсон эмэгтэй хүүхэд хожим нь дур тавьж чадахаа больдог

12-14 насны хүүхдэд зөвхөн шохоорхол, сониуч зан төдий л байдаг. Шилжилтийн насанд эр эмийн харьцаанд орох нь гол төлөв санамсаргүй тохиолдлоос үүдэлтэй. Тухайлбал, эцэг, эх нь порно бичлэгтэй хуурцагаа далд хийхээ мартах, хэт задгай сэтгүүл үзэх гэх мэт. Шилжилтийн насны хүүхдийн хувьд элдэв аргаар өөртөө анхаарал татахыг хүсдэг. Тэднийхээр секс бол маш нууцлагдмал хэрнээ хүмүүсийг алдаршуулдаг “гоё зүйл”. Харин энэ насанд /12-14 / хүүхдийн бэлгийн бойжилт хөгжөөгүй байдаг.

-Эмэгтэй хүүхдийн хувьд бэлэг эрхтний дотоод хөгжилт боловсорч дуусаагүй байдаг тул элдэв үрэвсэл, халдвар авах магадлал өндөр байх нь бий. Хэрэв охин хүүхэд хэт эрт эр эмийн харьцаанд орвол хожим нь жирэмслэлийн явж хүнд тусах, хүүхэд төрүүлэх үед элдэв хүндрэл гарах зэрэг олон бэрхшээл бий. Эмэгтэй хүүхэд хэдийчинээ эрт бэлгийн харьцаанд орно хожим нь нас бие гүйцсэн хойноо бэлгийн дур ханамж авах нь төдийчинээ буурна гэсэн үг.

-Эрэгтэй хүүхдийн хувьд бол гол асуудал сэтгэл зүйтэй нь холбоотой. Эр эмийн харьцаанд юу хийх, яах ёстойгоо хөвгүүн өөрөө сайн мэдэхгүй бол найз охиныхоо өмнө ичгэвтэр байдалд орж болзошгүй гэсэн айдас байдаг. Гэтэл энэ насанд эмэгтэй хүний нүцгэн биеийн нууц хэсгийг эрэгтэй хүүхэд харах бэлтгэл нь болоогүй байх талтай. Хэрэв анхны учрал нь бүтэлгүйтвэл идэр хөвгүүн бүх насныхаа туршид айдастай, өөртөө итгэлгүй нэгэн болох гэмтэй.
Иймээс эцэг эхчүүд охин, хүүгийнхээ шилжилтийн насанд бүх анхаарлыг түүний биеийн өсөт хөгжилтөнд чиглүүлбэл зүйтэй.