Уяанаасаа алдуурсан юу шиг

Тээр жил өдгөө үгүй болсон Зөвлөлт ба Америк хоёр хиймэл дагуулаар шууд холбогдон иргэд нь санал бодлоо солилцож байтал нэг авгай босоод “Зөвлөлтөд секс байхгүй” гэж дэлхийн даяар мэдэгдээд том онигоонд орж байлаа.

Үнэхээр ч секстэй холбоотой юм болгон хориотой цээртэй байв. Кинон дээр гэмгүй үнсэлт гаргах гэж л намын хянахын албан тушаалтнуудтай арай л зодолдоггүй байсан гэдэг.

Ор дэрний зураг, нүцгэн хүн гаргавал бараг л буудаж алахаас наагуур юм болдог.

Гэвч өөрчлөн байгуулалт гэгч юм 1985 онд гарч байдал арай л өөрчлөгдсөн. Улмаар 1990 он гэхэд шинэ саятнууд шинэ баячууд гарч нөгөө хориод байдаг байсан секс ил задгай юм болж хувирсан.

Тэр үед залуучууд, шинэ оросууд ёстой л уяанаасаа алдуурсан нохой шиг л урьд нь хориод байсан бүхнийг яаж хийдэг байсныг сонирхоцгооё.