Хууралт ба хардалт

Yснийхээ өнгийг өөрчлөх, ойр дотныхоо хүнийг өөрчлөх хоёр тэс ондоо зүйл. Гэвч нүдэнд чинь харагдаж үзэгдэж байгаа бүхэн чамд үнэнийг өчиж чадахгүй. Иймээс өөрөө өөрийгөө хуурч тэнэг хууран мэхлэгч бас мэхлэгдэгч байх боломж өөртөө бүү олго.

Яагаад бид хуурдаг вэ?

Харамсалтай хэрнээ гайхалтай нэгэн статистик үр дүн гарч. Учир нь охид хөвгүүдээс ч дутуугүй бусдыг хуурч чаддаг аж.

1. Маш сонирхолтой.
Мэдээж дэгжин бас харц булаасан хөвгүүнд бид өөрийн мэдэлгүй сэтгэл татагддаг. Yүнээс гадна бидэнд түүнтэй үнсэлцвэл ямар байх бол, тэр хэр сонирхолтой нэгэн бол гээд өч төчнөөн бодол төрж түүнд хөтлөгдөн жолоогоо алдах нь бий.

2. Yл тоомсорлол
Чи түүнийг үргэлж анхны үнсэлт шигээ халуухан бас ялдам үнсэлт бэлэглэж гарыг чинь үнсэн таалж чангаас чанга тэвэрч цээжиндээ наан энхрийлж байхыг хүсдэг. Гэтэл тэр энэ бүгдийг ор тас мартчихсан. Чамтай анх танилцаад удаагүй байсан үеийнх шигээ чамд ер анхаарал тавихаа байчихсан. Ийм үед өөрийн эрхгүй бид хайр энхрийлэл, анхаарал халамжийг хэн нэгнээс хүсч тэмүүлдэг.

3. Бүгд л ингэдэг
Найз охидууд чинь утсаар танилцсан хөвгүүдтэйгээ болзож эсвэл чатаар өөр хэн нэгэнтэй харилцах гээд долоо хоног бүр өөр өөр хөвгүүдтэй найзалдаг. Харин чи ийм найз охидынхоо хажууд зүгээр байж чадна гэж үү. Чи тэдэнд уруу татагдаж бүгд л ингэдэг юм чинь гэсэн ойлголттой болох болно.

4. Өшөө авалт
Та хоёр муудалцаж чи хаалга саван гарч өөрийнхөө хойноос байнга гүйж байдаг нэгэн дээр очиж бүгдийг мартаж бухимдлаа тайлна. Харин маргааш нь найз хөвгүүн чинь чамаас уучлалт гуйн ирэхэд чи өөрөө өөрийгөө дөнгөчихсөнөө ухаарна.

Яагаад биднээс урвадаг вэ?

Эр хүнд байгалиас урвагч занг бэлэглэсэн байдаг. Тэд үргэлж шинийг эрэлхийлж байдаг өлөн зантай ч гэж хэлж болно.

1. Тэдэнд ч бас сонирхолтой байдаг
Чи түүнтэй хамт орой үдэш гарч үдэшлэг цэнгүүнд явдаггүй. Харин тэр олны дунд толгой эргэн мансуурч хажуугаараа өнгөрөх дэгжин охидод харц унагана. Түүнд яг энэ мөчид үргэлж Винни Пухтэй хамт байх тааламжтай зүйл биш мэт санагдана. Тэр чамайг арван хуруу шигээ мэддэг болчихсон тулд түүний хувьд чи шинэлэг шүүслэг алим хэдийн биш байх болно. Түүнд тухайн үед юу юунаас илүү дэргэд нь бүжиглэх охин ямар дотоож өмссөн нь сонирхолтой байх болно.

2. Азгүй тохиолдол
Санамсаргүй бүх юм болж өнгөрнө. Тэр өөрөө ч юу болсныг мэдэхгүй. Хөгжим чанга дуугарч найзууд хажуунаас хөөргөж урдаа байсан хундагатай архи, лаазтай пиво бүрийг хоослоод л байсан. Хаанаас тэр охин гараад ирсэн юм бүү мэд. Түүнийг гамшиг ниргэж. Харин чи энэ бүхнийг хэрхэн хүлээн авч хандах бол?

3. Чи маш сайн охин
Ихэнх залуу хүмүүст дараахи нөхцөл үйлчилдэг. Энэ нь хөвгүүд хайртай охиндоо шүлэг уншин өгч уруул дээр чинь зөөлөн үнсэж чихэнд чинь хайрын үгс шивнэх бол, бусад нь түүний хувьд хэн ч биш байдаг учир тэднээс шууд сексийн харьцааг шаардаж өөрийн бэлгийн амьдралын туршлагыг зузаатгахаа боддог явдал юм. Мэдээж энэ маш муухай хэрэг. Энэ бас л гамшиг. Харамсалтай нь бэлгэвч та хоёрын харьцааг аварч чадах болов уу?

4. Тэд ч бас өшөө авахыг хүсдэг
Чи хэн нэгэн хөвгүүнтэй дотносож эхэлсэн. Гэхдээ та хоёрын дунд сайхан найзын харьцаанаас өөр юу байхгүй. Гэтэл найз хөвгүүн чинь тэгж бодохгүй байгаа. Түүний хувьд энэ бол доромжлол мэт санагдаж тэр ч бас чамд өөр шиг чинь хандаж чадна гэдгээ харуулахыг оролдоно. Хардалт бас урвалт хамт оршдог л юм байна.

Хэрвээ чи урвасан бол
Эхлээд өөрийгөө гартаа ав. Хэрвээ чи өнгөрсөн явдалд маш их шаналж харамсаж байгаа бол чимээгүй өнгөрсөн нь дээр. Тэр хэзээ ч үүнийг уучлахгүй. Харин чамд чи энэ бүхнийг ухаангүй дурласны улмаас хийсэн санагдаж байгаа бол өөрийн энэ мэдрэмжээ хуурамч биш гэдэгтээ бүрэн итгэлтэй болтолоо хүлээ. Хүчтэй бас шуналтай хүсэл зүрх сэтгэлийн хуурдаг тул энэ мэт хуурмаглалд автан өөрийн ойр дотны, үнэ цэнэтэй хүнээ алдаж болох юм шүү. Иймд ямар ч тохиолдолд чи чимээгүй өнгөрч бүгдийг нууцласан нь дээр.

Хэрвээ чамаас урвах юм бол
Түүнрүү ууж байсан аягатай кофегоо шидэлж хэрүүл шуугиан үүсгэх хэрэггүй. Харин үүний оронд аль болох тайван байж түүнийг буруу хүлээхийг нь хар. Тэр чамаас өнөөдөр урвасан л бол маргааш ч гэсэн урвах л болно. Иймээс чимээгүй түүний нүглээ наминчлахыг нь сонсоод гарч од. Тэр чамайг давтагдашгүй бас ухаалаг дахин өөрт нь олдохгүй ховорхон цэцэг байсныг мэдрэх болно. Түүний хийсэн алдаанд өөрийгөө буруутгаж өөрийгөө шийтгэх ямар ч шаардлагагүй. Түүнийг өнгөрсөн дурсамжтай нь хамт булшил.

Урвах муу…
Зүгээр л энэ бол тэнэг хэрэг. Тэнэг бас шударга бус явдал. Иймээс чи үүнтэй нүүр тулах юм бол завсарлага ав. Ингэж чадсанаар чи өөрийн үнэ цэнэ, найз хөвгүүнийхээ чиний сэтгэл зүрхэнд эзлэх байр суурийг тодорхойлж чадна. Харин хуурамч найз хөвгүүнтэйгээ үргэлжлүүлэн уулзаж байхдаа түүний чамайг хэн нэгнээр солиход бэлэн байгааг мэдэрвэл чи бусдаас илүү тэнэг байдалд орох болно. Тэр чамд хялбархан өгөөш тавьж, харин гэнэн хонгор охин чи юу бодолгүй түүнийг нь үмхээд бараг л зүгээр олдсон олз болчихож. Зүгээр шахуу олдсон олз тул тэр чамайг үнэн сэтгэлээсээ хайрласангүй. Ойлгоход хялбар байгаа биз. Иймд чи юу хийх гэж байгаагаа маш сайн тооцоолж байгаарай.