Гэр бүлийн сексийг яаж сонирхолтой болгох вэ?

Эмэгтэй хүн өөрөө эхэлж эр хүнийг өдөж болох уу. Эрдэмтдийн үзэж буйгаар болно гэнэ. Эрэгтэй хүнийг хүсч байгаагаа илэрхийлэх нь дур хүслийг өдөөхөд нэн тустай ажээ. Бүсгүй хүний хөдөлгөөн гэдэг үнэхээр гайхамшигтай. Зүгээр л ердийн хөдөлгөөн бүр нь эр хүнийг анхаарлыг гойд татаж байдаг гэхэд болно. Үүн дээрээ дохио зангаа ч юмуу, эсвэл элдэв донжтой хөдөлгөөн, аальгүйтсэн зүггүй харцыг нэмбэл эрчүүд бүр ухаан алдаж унатлаа дурлаж ч мэднэ.

Эмэгтэй хүн секст санаачлагатай хандаж бүр түрэмгийдүү авир гаргаж болох уу гэж олон эмэгтэйчүүд асуудаг. Энэ нь мэдээж тэдэнд хэрэгтэй болоод л асууж байгаа хэрэг биз. Эр хүнийг хүсэж байгаагаа илэн далангүй илэрхийлэхэд юу нь болохгүй байх билээ. Санаачлагыг заавал эр хүн гаргах албагүй шүү дээ.

Эмэгтэй хүн секст санаачлага гаргахад эрчүүд нэн тааламжтай хүлээж авдаг аж. Судалгаанаас үзэхэд эмэгтэй хүний санаачлагад автсан эр хүнд яг л эр нөхөртөө эзэмдүүлж буй бүсгүй хүнийх шиг мэдрэмж төрдөг байна.

Ийм мэдрэмж ихэнх эрчүүдийг өдөөж дур хүслийг нь улам бадраадаг байна. Эр хүн өөрөө хэн нэгэн бүсгүйг эзэмдэх биш, харин өөрийг хүсэж, эзэмдэх гэж байгааг мэдрэх нь хүсэл тачаалыг улам хүчтэй бадраадаг аж. Тэр ч бүү хэл зарим эрчүүд иймэрхүү тохиолдолд яг бүсгүй хүн шиг авирладаг байна. Хүсэхгүй байгаа юм шиг бага зэрэг эсэргүүцэж, үл ялиг дургүйцэх зэргээр аягладаг гэнэ. Гэсэн ч тэд яваа яваандаа “хүчинд” автагддаг аж.

Ийм байдалд орсон эрчүүдэд урьдынхаас нь өөр мэдрэмж төрдөг байна. Сексийг зөвхөн өөрөө хүссэн үедээ биш, бас бусдын хүслээр ч хийж болдгийг тэд ойлгох болно.

Мөн үүнээс гадна эмэгтэй хүн эрчүүдийн дүрд хувирснаар тэдний зовлонг ойлгож эхэлдэг байна. Үгүй гэж татгалзах, мөн өөрийн санасандаа хүрч чадсаны баяр бахдалыг амсах нь тэдэнд мэдээж сонин санагдана. Энэ мэдрэмж нь нэг хэв загварт орсон гэр бүлийн сексийг амьдралыг идэвхижүүлж эхнэр нөхөр хоёрыг ойртуулдаг шидтэй ажээ.

/Хань/