Хурдан морины уралдааны эргэн тойронд

Орон орны хурдан морины уралдаан тойрсон уламжлал, ёс заншил янз бүр байх юм. Жишээлэхэд, Австралийн “Flemington Park” мориг тойруулагт болдог Мельбурны цомын төлөөр уралдаан байна. Хоёр милийн урттай энэ уралдаан нь янз бүрийн нас, хүйс, сойлттой морь уралддаг дэлхийн хамгийн алдартай уралдаан.

“Melbourne Cup Carnival” их наадмын гол үйл ажиллагаа болдог уламжлалтай. Тиймээс ихэс дээдсийн спорт гэгддэг морин спортыг үзэх харах, саятан тэрбумтан, алдартнуудыг харах, өөрийгөө харуулах гэсэн хүмүүс хөл гишгэх зайгүй шавдаг нь ойлгомжтой.

Цугласан хүмүүс уралдааны үеэр болон дараа нь нохой гурав харагдтал уудаг нэг ёсны уламжлалтай юм байна.