Ийм юмнаас болж замынхаа дундаас нэгнээ хаяад буцмааргүй байна

Сайн байцгаана уу та бүхэнд энэ өдрийн мэндийг хүргье. Одоогоос 5 жилийн өмнөөс анх нөхөртэйгөө үерхэж байлаа миний хувьд тэр үе минь үнэхээр сайхан дурсамжтай. Би нөхрийнхөө сэтгэл зүрхэнд бүрэн дурласан байлаа хичээл ном найз нөхөд хаагуур юу болж байгааг мэдэх сөхөөгүй л байсан санагдана. Үерхээд 6 сар болоод нэг өдөр түүндээ анхны шөнөө өгч билээ. Тэгээд тэр үедээ хүүхэд гэж санаанд ч ороогүй хэд хэдэн удаа хамтдаа шөнийг өнгөрөөгөөд гэнэт ухаан орсон юм шиг хамгаалах хэрэгтэй гэж бодтол аль хэдийнээ бидний үр мэндлэхээр шийдэн миний дотор бүрэлдэж байсныг бид мэдээд огт эргэлзээгүйгээр гаргахаар шийдсэн. Одоо бидний охин 3 настай.

Уг нь би өөрийн гэр бүлээ бат бүх жаргалтай гэр бүл гэж боддог байлаа. Яахав хэрэлдэж муудалцана л даа гэхдээ тэгээд л учраа олвол олоол олохгүй бол тэгс гээл өнгөрчихдөг байсан. Тэгээд бас хааяа нөхөр минь өөр эмэгтэйтэй унтчихвал бидний гэр бүл яах бол би яаж хүлээж авах бол гэж бодсноо за юу гэж тийм юм байхав дээ би чинь түүндээ анхны шөнөөсөө хойш л үнэнч байдаг юм чинь гэсэн бодол төрдөг байв. Тэгээд найзуудтайгаа тийм сэдвээр ярихаар би бол өөртөө аягүй итгэлтэйгээр миний нөхөр намайг тэгэхгүй гэж хэлдэг байлаа.

Гэтэл саяхан миний нөхөр шинэ дугаар авах хэрэгтэй болоод бид 2 хамт явж байхдаа авсан нь намайг ийм байдалд хүргэнэ чинээ санасангүй. Учир нь тэр дугаарыг аваад удаагүй байж байтал нэг л оронгын зөрүүтэй дугаараас дуудлага ирээд авангуут сонсож байгаад таслаж байгаад мсж бичээд танилцая гээд байхад нь би ч нээх юм тоосонгүй тэр үеэр ч би нүүдэл суудал бас бус юм гээд авч хэлэлцсэн ч үгүй. Гэтэл бараг сарын дараа нөхөр минь ойрхон ажлаар 1 хоног явах болоод тэгээд явах өдрөө бүр нилээн уусан шинжтэй орж ирээл явах ёстой гээд л юм хумаа бэлдүүлж аваад л тэр зуураа утсаа тас тэврээстэй тэгээд утасныхаа кодыг гаргаж байхыг нь хараад кодыг нь мэдсэндээ сэтгэл амраад явуулчихлаа.

Тэгтэл очих газартаа очоод хүний утсаар залгаж очсон гэдгээ мэдэгдчээд тэр шөнөө холбоогүй хоноод маргааш нь нилээн орой ирээд унтаад л өглөө. Тэгээд нөгөө утас нь харагдахгүй байж байгаад 2 хоногийн дараа утсаа цэнэглэж үлдээгээд өөрөө унтсан байх хооронд нь утсыг  нь шалгаж үзтэл нөгөө хос дугаарын эзэнтэй тэр шөнө хоносон болохыг мэдэж аваад сэрээгээд ам асуугаад хэрэлдэе гэж бодсон ч чадалгүй хэвтэж байгаад гэнэт дургүй хүрээд л асуучихсан.

Тэгтэл тийм унтсан гээд надад үнэнээ л хэлсэн би гэхдээ орилж хашгичаад би юунд ч хүрэхгүй гэдгийг мэдэж байсан болохоор тайвнаар гэхдээ уйлж л байсан л даа яаж тийм юм мэдчээд эмэгтэй хүн байж уйлахгүй өнгөрөх вэ дээ. Тэгтэл ганц тэр ч биш өмнө нь 2, 3 удаа тийм юм болсоон гэсэн. Тэр бүгдийг мэдчээд би зүгээр л яваад өгөе гэж бодсон ч би чадаагүй. Тийм зүйл хийсэн нь охин бид 2-тоо хайргүйдээ тэгсэн явдал биш гэсэн. Хэрвээ би зүгээр л яваад өгсөн бол бидний хайр яах билээ охин мин яах билээ гэж маш олон зүйл бодогдсон. Тэгээд би нөхрөө уучлахаар шийдсэн нэг боломж өгөөд үзий л гэж бодсон үнэнээ хэлээд уучлалт гуйгаад байсан болохоор үнэнийг хэлэхэд өрөвдөөд байсан.

Гэхдээ л би нөхрийгөө зөвхөн минийх л байгаасай гэж хүсдэг байсан. Бас нэг юм нэмж хэлэхэд би ерөөсөө тавьж үзээгүй тэгээд энд тэнд бичсэн юм уншихаар 27, 28 нас хүрэхээрээ тавьдаг гэсэн байсан. Гэхдээ өмнө нь тавьж үзээгүй тэр мэдрэмжийг мэдэхгүй болохоор надад хүсээд яараад ч байдаг зүйл огт байхгүй гэтэл нөхөр минь намайг тавиулах гэж их боддог юм шиг байна лээ тэгээд тавьдаггүй болохоор сэтгэл дундуур байдаг юм болов уу ч гэж бодогдох юм. Эсвэл надаас салах гээд тийм юм хийж явахад нь би гэнэт сайн хүн болоод чамайг уучиллаа энээ тэрээ гээд төлөвлөгөөг нь нураачисан юм болов уу ч гэж бодогдох шиг. Толгойд өчнөөн л зүйл бодогдож байна өөр нэг залуутай уулзаад унтаад үздэг ч юмуу гээд л…

Гэхдээ ийм юм болсноор би нөхрөө цаашдаа нээнтгэнд оруулж байлгахыг хүсэхгүй байгаа хэрвээ тэгвэл нөхөр минь ч гэсэн тэвчихгүй гэдгээ хэлсэн. Тэгээд бид 2 урьдынх шигээ байхыг хичээж байгаа тэгээд хааяа нойр хулжихаар юм ярьдаг юм тэгээд нөхрөөсөө миний таалагддаггүй зан чанарын талаар яриач гэхэд би юу яаж байх үедээ нэг л худлаа биеэ барьсан байдаг. Зарим зүйлийг ярихдаа өөрөөс нь санаа зовж хичээж ярьдаг гээд л бараг тэгвэл таалагддаг юм байдгиймуу гэчихмээр л байсан. Гэхдээ өөрөө эхэлж асуусан байж уурлах нь утгагүй хэрэг гэж бодоод больсон. Би уг нь өөрийгөө сексийн тал дээр гологдоод байхгүй л гэж боддог юу хүсэж юу хиймээр байгаагаа хэлчихдэг бас нөхрийнхөө хүссэн юмыг ч хийдэг гэж л боддог байсан минь эндүүрэл байж ч гэж бодох шиг.

Тэгээд би нэг ч удаа буудалд хонож үзэж байгаагүй болохоор нөхөртөө хамт хонохыг хэд хэдэн удаа санал болгож үзсэн ч тоогоогүй шинэлэг юм туршиж үзэе гэсэн ч тоогоогүй. Нээрээ би анх үерхэж байхдаа нөхрөөсөө 2 удаа 1 ширхэг сарнай авж байснаас хойш дахиж цэцэг нэг ч удаа аваагүй би авмаар байна гэж хэлэх нь хаашаа юм гээд цэцэг авбал мөнгөний гарз тээ гэж хэлэхэд өөдөөс юу гэж дээ хайр нь чамдаа аваад өгөе гэж хэлээсэй гэж хүсээд асуухад өөдөөс тийшд хог л болно гэдэг. Уншсан чинь нөхрөө бүр адгийн тэнэг новш шиг болгоод биччихэж. Гэхдээ миний нөхөрт сайн талууд зөндөө бий хааяадаа гэрийн ажил, хоол ундаа хамтдаа хийдэг хувцс хааяа өөрөө угаадаг тэгээд бас сайхан сэтгэлтэй шударга зантай гээд л сайн тал олон бий.

Дахиад намайг битгий тийм байдалд оруулаасай гэж бодож дахиад тийм юм болвол би зүгээр яваад өгөх байх. Би харин эсрэгээрээ олдсон хором мөч бүрийг л нөхөртэйгээ хамт байж өнгөрүүлэхийг хүсдэг гэхдээ гадуур дотуур орж гарах үед нь залгаж дарамтлаад байдаггүй. Өөр хүнтэй унтаад явсан нь заримдаа миний буруу ч юм шиг санагдах юм. Эсвэл бүх эрчүүд ийм байдаг юмуу? Ийм юмнаас болж замынхаа дундаас нэгнээ хаяад буцмааргүй байна. Гэхдээ надад зөвлөгөө өгөөч. Би цаашдаа яавал гэр бүлээ жаргалтай байлгах вэ, эсвэл зүгээр л хувиа хичээгээд алга болоод өгөх үү? Эцэст нь хэлэхэд хүнийг буруутгах 1000 шалтгаан байхад өөрийгөө өмөөрөх ч 1000 шалтгаан байдаг залуус минь ухаантай л амьдраарай…