ДОХ-ЫН 56 ДАХЬ ТОХИОЛДОЛ ИЛЭРЛЭЭ

Энэ сар гарсаар ДОХ-ын хоёр дахь тохиолдол илэрчээ. Өнгөрсөн долоо хоногийн сүүлээр ДОХ-ын хоёр дахь тохиолдол илэрсэн тухай албаны хүн мэдэгдлээ. Өөрөөр хэлбэл манай улсад ДОХ-ын 56 дахь тохиолдол илэрсэн гэсэн үг юм. 30 гаруй насны, эрхэлсэн тодорхой ажилгүй, эрэгтэй хүн энэ өвчний халдвар авсан нь шинжилгээгээр тогтоогджээ. Сүүлийн үед манай улсад энэхүү чимээгүй тахлаар өвчлөх хүний тоо бараг л гэрлийн хурдаар өсөх боллоо. Мэргэжлийн хүмүүсийн тайлбарлаж байгаагаар бол энэ нь халдвар тээгчийн хавьтагч байсан ажээ. Тэгэхээр энэ нь Дэлхийн эрүүл мэндийн байгууллагын гаргасан судалгаа болох ДОХ өвчний халдвар авсан хүний цаана зуу гаруй хүн байдаг гэсэн судалгааг нь баталж байгаа бололтой.

Нэг үгээр хэлбэл ДОХ-ын халдвар тээгч хүн манай улсад 56 байтугай байна гэсэн үг. Энэ өвчний халдвар авсан хүмүүс бүгд бэлгийн замаар халдвар авсан нь шинжилгээгээр тогтоогдсон. Тиймээс энэ өвчнөөс урьдчилан сэргийлэх хамгийн зөв арга нь аюулгүй бэлгийн харьцаа. Нөгөө талаар ДОХ-оор өвчлөхгүй байх нь хувь хүнээс өөрөөс нь шалтгаална гэдгийг сануулахад илүүдэхгүй биз ээ.

Улаанбаатар таймс