Бразилийн улаан дэнлүүний гудамж

Ийм гудамж улс болгонд л байдаг. Зарим улсад нь хуулиар зөвшөөрөгдсөн, эмч цагдаагийн байнгын хяналттай. Заримд нь хуулиар хориотой болохоор элдэв массажны салон, саун энэ тэрээр халхавч хийсэн гээд янз бүрийн ялгаатай.

Бразилийн Рио-де-Жанейро хотын улаан дэнлүүгийн гудамжийг Вила Мимоза гэдэг юм байна. Бразильд биеэ үнэлэхийг зөвшөөрдөг ч гэлээ янхны газар байгуулж ажиллуулахыг хориглодог зөрчилтэй хуультай юм байна.

Тиймээс биеэ үнэлэгчид нь бильярд, саун, массаж гэх мэт хаягаар халхавч хийсэн газруудад “ажилладаг” аж. Ийм газрын ариун цэвэр энэ тэр нь жинхэнэ бурхан бүү үзэгд гэмээр гэдгийг энэ талаар судалсан хүмүүс хэлдэг ч үйлчлүүлэгчдийн тоо хэзээ ч цөөрч байгаагүй гэнэ. Бразилийн фото зурагчин Фабио Тейшейра Риогийн Вила Мимозад бүтэн сар байж аж амьдралынх нь тухай илэн далангуй бодит зураг авчээ.