20 жилийн дараа эдгэрдэг /1/

Ямар ч шаналгаа 20 жил болоод өөрөө эдгэдэг юм уу даа. Эдгэх эдгэхдээ бүр эргээд харин ч шаналгаа биш дуртай болчихдог юм байна. Өөртөө тохиосон явдлыг ярих уу байх уу гэж их л бодлоо. Сексийн жаргал зовлонгоо хуваалцдаг сайт мөртлөө заваан балиар гээд хараагаад байдаг хүн олон байхаар бас зовох л юм. Гэхдээ хамаагүй ээ, бичнэ ээ. Их тодорхой бичмээр байна, уг нь. Гэхдээ Монгол жижигхэн учраас танигдах зовлон гэж бас байна байна.

Би одоо 45 хүрч яваа, гадаадад гэр бүлээрээ амьдардаг хүн байна. Эхнэртэйгээ нийлээд хорин таван жил болж байна. Яг дөнгөж сууж байхад болсон нэг эмзэг явдал 10 гаруй жил бид хоёрын амьдралыг шархлуулсан юм аа.

Эхнэр бид хоёр оюутан байхдаа танилцсан юм. Хоёр хөдөөний хүүхэд оюутны байранд юу юугүй нэг өрөөнд орчихлоо. Тэгж байтал нэг хэрэг дэгдлээ дээ. Шоронгоос нэг нөхөр гарлаа гээд оюутны байраар үймүүлж байна. Гай чинь манай хүнтэй 10 жилдээ үерхэж байсан гэнэ. Олны хоморгонд шал дэмий хэрэгт ороод, анх жил зургаан сар явах болоод, очиж хэргээ нэмүүлээд бараг 4 жил болоод гарч ирж байгаа юм уу даа. Анх явахдаа хүлээх үү гэхэд нь хүүхэд байсан хойно манай хүн хүлээнэ ээ л гэчихэж. Нутгийнхаа хэдэн залуусынхаар архи уугаад л, нэг их мундаг баатар шиг л юм. Тэгж байснаа манайд ч ирлээ дээ. Тэр үед шоронгоос гарсан хүн гэхээр их аймаар байлаа. Чи миний эхнэртэй суучихсан юм байна тээ гэж мэгээд л эвгүй аймаар юм аа.

Тэгснээ за сайхан эр хүн шиг ярьчихъя, чи жаргаагаарай… юу юу ч гэлээ, сүүлд нь ганц шил архи олоод ир сайхан эр хүн шиг танилцъя, тэгээд би явлаа, ахиж ирэхгүй, та хоёрыг зовоохгүй л гэнэ. Архи ядаргаатай ховор байсан үе, гараад айж өглөө. Шаг маг гээд л хайлаа. Цаг орчим яваад ирсэн, оюутны байрандаа ирсэн, өрөө түгжээтэй, нүдсэн чинь жаахан азнаснаа эхнэр тайлж өгч байна. Нэг л эвгүй сэтгэгдэл түг гээд л ороод ирсэн, зүрх түргэсээд. Нөгөө гар өө за, гээд л архи задлаад уугаад, за боллоо гээд яваад өгөв. Үлдсэн бид хоёр нэг л хачин. Яасан гэж асууж чаддаггүй. Эхнэр ч шал өөр юм яриад л. Би хүч хүрэхгүйдээ багтраад, ахиад ирвэл архинд хор хийгээд алчих юмсан гэж хүртэл бодсон. Ашгүй өнөөх чинь тэгээд эргэж ирээгүй алга болсон, гэхдээ бид хоёр тэр оройны тухай огт ярилгүй арваад жил болсон юм. Сэтгэлд удаан байсан.

Арваад жилийн өмнө манайх хүүхэд шуухадтай айл болчихсон, гадаад руу гарлаа. Тэр үед нэг удаа архи ууж зориг ороод мартагдах шахсан тэр явдлын тухай асуусан, “нэг юм болсоон, би яримааргүй байна” гээд өнгөрсөн, гэхдээ нөгөө хор өгөөд алчих юм сан гэдэг сэтгэл бүр алга болсон байв. Хүүхэд шуухад, гадаадад ажил олох гээд… Шарх ч аньчиж. Нөгөө этгээд нутагтаа очоод хэрэг тариад эргэж нэг шоронд яваад, дараа нь гараад архинд ороод нас барчихсан. Надтай надгүй тэгээд үхчихсэн, санаа зовохоо ч болилоо.

Тэгтэл хоёр гурван жилийн өмнө их өөр сонин юм болсон. Эхнэр бид хоёр би архи, эхнэр вино уугаад өнгөрсөн баларсан юмаа хаа хамаагүй ярив. Нөгөө явдлаа асуусан чинь “Тийм ээ, би тэгэхэд унтсан” гэнэ. Юун уур хүрэх, сэрэл хөдлөөд ирдэг юм даа. Маш хачин. Тэгээд ахиад нэлээд уулаа, овоо ч согтлоо, бүх юмаа нарийн ярь гэж би шаардлаа. Чи уурлахгүй, дараа нь доромжлохгүй гэвэл би бүгдийг нь ярьж өгье гэнэ. Тэгээд андгай тавьж байгаад яриулсан. Аймаар муухай юм болсон юм билээ, гэхдээ тэр нь аймаар сэрэл хөдөлгөөд, ярьсан манай хүн ч дуртай, тэр шөнө жинхэнэ гоё унтсан бид хоёр.

Олон хүн доромжлохгүй, ойлгоно гэвэл тэр өдөр намайг архинд явсан хойно юу болсныг нэг бүрчлэн ярьж өгье дараагийн захиандаа. Одоохондоо энэ. Муу муухай явдал 10 жил болоод эдгэдэг, 20 жил болоод бүр эсрэгээр үйлчилдэг юм байна аа л гэж…