Зөвлөлтийн үеийн хориотой эротик цагаан толгой

Зөвлөлтийн үед зөвшөөрөөгүй юм болгон хориотой байсан тул зөвшөөрөгдсөн зүйл гэж тун цөөн байлаа. Бүгд нэг хэвийн хувцастай, нэг хэвээр үсээ засдаг, нэг хэвийн орон сууцанд амьдардаг байлаа. Хамгийн их зөвшөөрөгдөөгүй зүйлсийн нэг нь секстэй холбоотой зүйлс. Болдог байсан бол намын үүрийн дарга нар ажилчин албан хаагчдын гэрт шөнө дөлөөр орных нь дэргэд лаа бариад зогсдог байх байсан биз.

Гэхдээ хүний амьдралд яаж ч хориод дийлдэггүй зүйлс байдгийн нэг нь секс. Хаа байсан 1943 онд нь тэр үеийнхээ хамгийн алдартай уран барилгачдын нэг С.Меркулов нь элдэв хорио цээрээс залхаад хувийн хэрэгцээндээ зориулж ийм нэгэн өвөрмөц эротик цагаан толгой зурсан байна.

Цагтаа Марксын бүтээлд зураг хийж явсан түүнийг ийм зүйл зурсныг 1943 онд, Сталиныг амьд байхад мэдсэн бол шууд буудуулах байсан нь гарцаагүй.