Мууртайгаа хэтэрхий дотно байна гэнэ…

Сайн байна уу? Энэ сайтад олон хүмүүс хардалтын талаар захиа бичдэг юм байна. Харин надад нэг тийм хардалт гэхэд хэцүү нэг асуудал тулгараад байна. Манай нөхөр намайг их сонин зүйлстэй харддаг. Хардах гэхээр бас сонин л доо. Анх нэг таньдаг дүү охинтойгоо чатлаж байгааг мэдчихээд уурлаад блок хийлгүүлсэн, дараа нь мууртайгаа хэтэрхий дотно байна битгий миний хажууд үнсэж үнгээд бай гэсэн би ч гайхаад л өнгөрсөн.

Манай нөхөр заримдаа ажлаар олон хоног явчихдаг болохоор би порно үзэж, гар хангалга хийх үе байдаг. Тэрийг мэдчихвэл чи надаас асуусангүй гээд бараг өөр хүнтэй унтчихсан юм шиг хүлээж авдаг. Бас би сексийн талаарх подкаст их сонсдог юм. Тэгсэн чинь саяхан тийм юм сонсдог гээд хэлснээс хойш юм л бол тэгээд тэр юмаа сонсохгүй юу, илүү байгаа биз дээ гэх мэт сонин юм яриад байх боллоо. Тэгсэн хэрнээ өөр эрэгтэй хүн намайг хоргоох, илүү дутуу харах, ойртох гэх мэт юм болоод хэлэхээр ерөөсөө тоохгүй.

Нэг хэсэг эрэгтэй найзынхаа зурган дээр лаяк дарахаар яаж чадаж байнаа чи, хурдан болиул гээл байдаг байсан. Бас чи надаас өөр хүнтэй үерхэж байсан биз дээ гээд уурладаг байснаа гэрлэснээсээ хойш ингээд хардалт гэхэд хэцүү сонин үйлдэл, үг үзүүлэх боллоо…