Та нар юу гэж бодож байна?

Би ажлын газрын хоёрыг явалддагийг нь мэдэж авсан. Хүмүүс болгоомжилдог ч гэсэн ямар нэгэн сэжүүр алдаад байдаг гэдэгээ мэддэггүй л юм байна. Би төрийн байгууллагт ажилладаг л даа. Манайх эрэгтэй хүмүүс олонтой.

Би саяхныг хүртэл манай ажлынхан иймээ тиймээ явдалгүй л гэж боддог байсан. Гэтэл даруухан ажлын бүсгүй маань тэр ахтай явалддаг болж таарсан. Нэг өдөр би тэр бүсгүйтэй орой болтол хамт суусан юм. Ажил дээр өөр нэг өрөөнд нэг ах, би бас ажлынхаа өрөөнд нөгөө хүүхэн бас өрөөндөө. Манай дарга нар ер нь эрт тараад явчихдаг болохоор оройтож үлддэг нь голдуу бид хэд шиг ажилтнууд л байдаг. Тэгээд би хурдхан харих гээд найзынхаа өрөөгөөр орж гараад бичиг цаасны юм аа асуугаад гялс гялс шивээд дуусгасан.

Тэгэж байх даа корридорт нөгөө залууг харсан юм. Би тухайн үед юу л боллоо гэж сэжиглэхэв. Тэгээд сүүлийн юм аа бөглөж дуусчихаад найзынхаа өрөөгөөр ороод за баярлалаа гэж хэлчихээд гарсан юм л даа. Гараад нөхөр лүү залгаад ажлын ойролцоо явж байна гэхээр нь хурдан хүрээд ир гэж дуудсан. Тэгээд гадаа зогсож байсан чинь бээлийгээ ажлын өрөөнд орхисноо санасан. За ойрхон юм чинь гээд буцаад орчоод ирий байж байгаараа гээд нөхөртөө хэлчихээд ажил руугаа буцаад орвоо. Тэр хооронд 10 хан минут л болсон байх.

Буцаж ороод бээлийгээ аваад гарахдаа нөгөө хүүхний өрөөний гэрэл хаалганы доогуур тусаад байхаар нь орж хурдан хариачээ гэж хэлий гэж бодоод хаалгыг нь татсан чинь цоожтой. Яг тухайн үед би юм бодоогүй л дээ. Заза гарсан юм болов уу яасын бол гэж бодоод гарсан чинь яг нөхөр ирээд машинаа зогсоочихсон хүлээж байсан. Би ч юун иймээ тиймээ юм бодох хурдхан харий гээд суусан чинь түгжрээд эхлэвээ. Дөнгөж ажлын ойролцоо шүү. Тэнд 5 мин орчим түгжирсэн байх. Тэгсэн чинь яг хажуугаар нөгөө хоёр ажлын хүн маань алхаж байна. Тэр үед л ойлгосон.

Тэр залуу намайг явахыг хүлээгээд корридороор сэлгүүцээд байсан юм билээ. Бодуул ажлын өрөөнд нь орж янз бүрийн юм хийх гэж байсан биз. Магадгүй хийж ч байсан байх. Тэгээд намайг яг гараад явангуут өрөөнд нь ороод л мань 2 үнсэлцэж байсан байх л даа. Тэгээд хаалгыг нь хүн оролдонгуут санаа зовоод гарч явсан. Тэрнээс хойш би тэр хоёрын яриаг яагаад ч юм анзаардаг болчихсон. Юу ч болоогүй юм шиг байдаг гэж ойлгодог юм шиг байгаа юм. Миний бүр инээд хүрээд байгаа. Хэлэх үү яах уу ч гэж бодох юм. Гэхдээ өөрсдөө нууж байхад нь хэлээд яахав дээ. Гол нь тэр залуу нь гэр бүлтэй хүн. Та нар юу гэж бодож байна?