Хөөрхий дөө энэ залуу…

Жоохон хов базья. Манай 10 жилийн нэг эрэгтэй найз байдаг юм л даа. Ер нь аав нь нилээн хөрөнгөтэй хүн байсан. Бага байхын л тэр хүүхэд анги дээр янз бүрийн чихэр жимс авчирна. Мөнгө төгрөг аягүй ихтэй бид нарыг дандаа даадаг байсан. Мөнгөтэй байсан болохоор хүүхдүүд юу ч хэлж чаддаггүй байлаа. Жоохон доль үсэрчих гээд байдаг байсан. Тэр банди тэгээд 9-д ордог жилдээ өөр үнэтэй сургууль руу шилжээд алга болсон. Тэгээд бараг 10-д жилийн өмнөөс манай ангийнхан гэнэт уулзалддаг болоод тэрэнтэй эргээд уулзсан. Тэрнээс хойш үе үе хамт уудаг болсон.

Гэхдээ тэр найзыгаа харахаар үнэхээр өрөвддөг болсон. Аав нь эд хөрөнгө үлдээсэн болохоор мөнгө төгрөгөөр дутахгүй л явж байна лээ. Даанч найз нөхөд нэг ч байдаггүй юм билээ. Бараг найз гэвэл 10 жилийн бид нар л байдаг болсон байна лээ. Аягүй сагсуу болчихсон. Охидуудтай аягүй муухайн доромжилж харьцдаг. Нүүр рүү нь салаавч гаргаад л доромжлоод л. Бүр нэг үнэхээр намбагүй аягүй нахаалны хүн босон байна лээ. Тэрнээс нь болоод ямар ч найз нөхөдгүй өрөвдөлтэй ганцаардсан залуу болсон байсан.

Эхний уултан дээр гайгүй бас биеэ мэдээд байх шиг байгаа юм. 2, 3 уулзсан чинь л ёстой нэг лалрын зангаа гаргаж байна лээ. Тэрнээс нь болоод их сургуулийн найз 1 ч байхгүй, дээр нь ажил хийдэггүй. Нэг өөрийгөө том босс болохоор юу ч хийхгүй гэж л боддог юм шиг байгаан. Тэгээд гэртээ өвгөн шиг ганцаараа суугаал кино үзээл койн тоглоол байж байдаг. Эхнэр нь яахав мөнгө төгрөгтэй болохоор тэгээд тогтоод байдаг гэж ойлгосон тэрнээс биш ийм амьтантай хэн ч байхгүй. Одоо сүүлийн үед бүр дорой болсон байна лээ. Гэртээ ганцаараа уугаал 2, 3 хоног дараалчихна бараг 48 цаг тасралтгүй уудаг юм билээ. Хийх юм байхгүй найз нөхөдгүй тэгж ганцаардлаа тайлдаг байгаа юм нь эцгээс үлдээсэн хэд хэдэн байр үл хөдлөх л байна даа.

Миний нүдэн дээр лав нэг байр зараад талаар нь койн тоглоод талыг нь шоудаад дуусгаж байгаа харагдсан. Бараг 150 сая шүү дээ. Сарын дотор хүн 1 байраар тоглочихдог л юм билээ. Манай бас нэг өөр найзтай тэр 2 хэсэг нийлж шоуддаг байсан. Нөгөө найз болохоор их олон охидууд таньдаг. Тэрэнтэй саяхан тааралдаад бас жоохон амьдрал ярив. Гэтэл тэр найзыг бас л муулж байна лээ. 40 дөхсөн эр байж арай л бишээ. Тэр залууг хэдэн хүүхнүүдтэй танилцуулсан юм гэтэл нөгөө хэдийгээ улаам цайм доромжлоод чи бол ёстой адгийн хүүхэн. Ядуу залхуу энэ тэр гээд л бүр арай доромжилсон байна лээ. Нөгөө хэд нь манай найз руу яриад танай энэ залуу үнэхээр хөгийн гар байна аа чи яаж ийм юмтай найз юм бэ гээд бөөн юм болсон юм байна лээ. Тэрнээс болоод энэ найз ахиж уулзахаа болиод зайгаа барьчихсан. Улам л хөөрхий нийгмээс тусгаарлагдаад байгаа. Одоо энэ хүнд үлдсэн ганц 2 найз нь би тэгээд нэг архичин найз л байна даа. Гадаа гарья ажил хийж чадахгүй хүнтэй таарахгүй. Наргиж цэнгэж чадахгүй тэгээд хөөрхий мөнгө төгрөгөө үрэх гоё активити юу ч байхгүй үнэхээр өрөвдөлтэй амьдарч байгаа. Хөөрхий дөө энэ залуу…