Ядуу айлын охин

Би 2 дахь амьдралаа эхлээд хэдэн жил болж байгаа юм. Экс бид 2 нэг хүүхэдтэй хүүхэд ээж дээрээ байдаг юм. Эксээсээ салсан шалтгаан нь үнэхээр хүмүүжил таарч тохироогүй юм л даа. Манай экс аягүй муухай хүн байсан гэдгийг өдөр ирэх тусам ойлгож байна даа. Би тийм баян боломжтой айлын хүүхэд биш л дээ. Гэхдээ архи дарс нэг их хэрэглэдэггүй. Ер нь ажилд махруу маягийн хүн л дээ. Манай экс бас нэг ядуу айлын охин байсан. Би тэгээд экстэйгээ танилцаад зиндаа ойролцоо болхоор гоё амьдрах байх гээд итгээд суусан юм.

Гэтэл ёстой андуурсан байсан. 2-3 жил болоод ёстой дийлдэхийн аргагүй муу хүнтэй суусан гэдгээ ухаарсан. Экс бол нэг их ил тод муухай юм хийдэггүй хэлдэггүй. Гэхдээ хамт байхаар аймар муухай мэдрэмж төрүүлдэг болсон. Ядуу айлын охин юмаар дутаж өссөн хүн байсан. Эмэгтэй хүн тийм дутуу ядуу өсөхөөрөө аягүй муухай амиа хичээсэн хүнийг ойлгодоггүй болчихдог юм билээ. Ажил хийгээд л байна хийгээд л байна. Гэхдээ наашаа юу ч гаргахгүй. Аягүй балиар юм аа нуудаг. Цаагуураа тэр ээж рүүгээ мөнгө явуулна. Нэг удаа муухай баригдсан. Надтай суучихаад далдуур хэдэн сая төгрөгний зээл аваад ээждээ өгсөн байдаг юм даа. Тэрнийхээ талаар надад юу ч хэлэхгүй ажил хийгээд л балиар бага багаар төлөөд байсан байгаа юм. Хүүхэдгүй байх даа бол тийм юм хийж болно л доо. Гэхдээ хүүхэдтэй болчихоод амьдрал яг эхлээд айл гэр болж байхад аягүй балиар далдуур санаатай өөдгүй амьтан байсан.

Эхэндээ би ч нэг их тоодоггүй байсан л даа. За миний эхнэр яахав дураараа л явна биз гэж боддог байсан. Гэтэл өдөр ирэх тусам л бүр далд санаа нь цухалзаад болдоггүй. Аймаар муухай дотуур тамиртай. Мөнгө төгрөг яриад л ингье тэгье гэхээр таг болчихдог. Юу ч хамтарч хийж болохгүй аймаар өөдгүй хүн байсан. Би ч эхлээд ганц 2 үг хэлдэг боллоо. Гэтэл миний хэлж байгаа үгийг бүр юу ч гэж тоодоггүй. Амиа хичээгээд л байсан. Тэгэж байгаад би нэг өвдсөн юм аа. Миний өвдөг жоохон асуудалтай юм. Тэгээд 2 долоо хоног юм хум өргөж болохгүй хөлөө амраах хэрэгтэй болоод хөлөндөө наалттай эмнэлэгт хэвтсэн. Хувийн эмнэлэгт хэвтсэн. Тэрнээс өөр шууд эмчилчихээр эмнэлэг байгаагүй. Тэгээд жоохон хадгалсан байсан мөнгөө бүгдийг нь эмчилгээндээ зарцуулсан. Нэмж мөнгө хэрэгтэй болоод хүн амьтнаас зээлэх үү яах уу гээд ярьж байгаад би асуусан. Чи цалнгийн зээл авж болохгүй юу гэсэн чинь юм дуугарахгүй. Тэгээд яагаад болохгүй гэж гээд асуусан чинь аль хэдийн авчихсан байдаг юм. Бүр хэдэн саяын зээл авчихсан тэрнийхээ талаар юу ч хэлээгүй байсан. Тэгээд эхнэр хэлж байна. За би найзаасаа асуугаад хэлья гээд явсан. Явж явж 300К л авчихсан. Би ч тэгээд олж байгаа нь их юм гээд л авсан л даа.

Тэгээд эмнэлэгтэй 10 хоноод гарсан. Мөнгө төгрөг хүрэлцэхгүй өөр арга байгаагүй л дээ. Хэд хоног гэртээ байх даа жоохон бичиг баримт дансны дэвтэр энэ тэр эргүүлж үзлээ. Гэтэл юу олсон гээч. Эхнэр зүгээр л ээждээ сард бараг 700-800к өгдөг байсныг олж мэдсэн. Дээр нь ээж үе үе асууна. Тэгэнгүүт заза би олохыг бодий гээд хүн амьтнаас зээлж барьчихсан. Гэтэл би хань ижил нь өвдөөд тэнд хэцүү мөнгөгүй хэвтэж байхад 300к л олж ирдэг юм даа. Тэрнийгээ олж авчирах даа ямар муухай ууртай байсан гэж бодож байна. Нэг муу гай өвдөөд гай болсон юм шиг л хандаж байсан. Би ёстой тэрнийг нь олж мэдээд аймаар үзэн ядалт төрсөн. Нээрээ арайч дээ нэг гэр бүл байж ийм муухай сэтгэлгүй. Тэр явдал надад аймаар том өөрчлөлт авчирсан. Удалгүй хөл гайгүй болоод буцаад ажилдаа орсон. Нэг дотны найзтайгаа уулзаж ярилцаж үзлээ. Гэтэл юу вэ хүний эхнэр гэргий гэдэг чинь шал өөр байдаг юм билээ. Намайг сонсоод бүр найз гайхаад чи одоо ямар юмтай суучихсан юм бэ. Хүнд хэцүү цагт наадах чинь хань болох хүн биш байна. Эртхэн дээрээ салж амьдралаа бод гэдэг юм. Би ч бодож байгаад маргааш нь эхнэртэй ярьлаа. Чи арайч дээ би чиний хамт амьдарч байгаа нөхөр чинь биз дээ гэж хэлсэн.

Тэгсэн чинь бүр юу гэсэн гээч. Би хэзээ ч ээжид мөнгө өгч байгаагүй чи битгий худлаа ярь гээд өөрийгөө аймаар муухай хаацайлсан. Би бүр хэлээд чи ингэсэн тэгсэн биз дээ гэж хэлсэн чинь битгий худлаа ярь чи аягүй муухай худалч гээд өөртөө ширхэг өө ч халдаагаагүй. Би бүр шоок. Ямар балиар нэрээ боддог ямар муухай хувиа хичээсэн юм бэ. Ахиад хэд хоног бодлоо. Тэгж байгаад би хэлсэн 2-лаа салсан дээр юм байна. Ахиад хэзээ ч өвдөх юм билээ. 2-лаа бол хань ижил байж чадахгүй юм байна гээд хэлсэн. Тэгсэн чинь худлаа уйлж бариад л. Гэхдээ намайг л буруутгаад л байсан. Би бүр тэр хүнийг асуудал тулгаад ярилцангуут дотроос нь аймаар муухай хүн нь цухалзаж байсан. Яая хань ижил нь тэнд өвчтэй байхад ямар ч сэтгэл гаргахгүй гэхдээ ардуур аймаар муухай санаатай амьдардаг хүүхэн. Би тэгээд сарын дараа салсаан. Салсны дараа надаас хүүхэдийн мөнгө гээд сар болгон 500к авахаар тохирсон. Би ч татгалзаагүй. Тэгээд саллаа. Хүүгээ их санадаг байсан даа. Гэхдээ яг салсны дараа тэр хүүхнээс бүр санахаар юм юу ч байхгүй гэдгийг нь олж мэдсэн.

Зүгээр л сексийн харилцаа л байсан юм билээ. Хүүтэйгээ уулзана. Мөнгөө өгнө. Хүүгээ бол хэзээ ч зовоогоогүй. Салаад жилийн дараа би нэг хүнтэй уулздаг болсон. Боломжийн айлын охин. Энэ охинтой сүй тавьсан байгаа. Ер нь ар гэр нь боломжийн болохоор аягүй хүн сайтай санагддаг. Тийм хувиа хичээсэн далд санаа байхгүй аягүй гоё. Ер нь алдаж байж л ойлголоо доо. Ар гэр гэдэг бол маш том нөлөөтэй юм билээ. Би лав хүүгээ том болохоор нь зааж сургана. Хэзээ ч ядуу айлын охинтой сууж болохгүй. Аягүй хүн муутай байдаг юм билээ. Эрэгтэй хүн ядуу байж болно. Харин ядуу даржин айлын охидоос бол үргэлж зайгаа авах ёстой. Тэд бол хамгийн муухай дотроо хоосон өлсгөлөн сэтгэл нь ханаж цадахыг мэдэхгүй хоосон хүмүүс байдаг юм…