Гэр бүлийн харилцаанд жижиг асуудал гэж байдаггүй

Эхнэрүүдийн анхааралд:

– Нөхрийнхөө дуртай зүйлээр үе үе сюрприз барьж бай. Тухайлбал дуртай хоолыг нь өөрт нь зориулж хийх гэх мэт,

– Нөхрөө хүүхдүүдийнхээ дэргэд бүү шүүмжил,

– Нөхрөө өмчлөх гэсний хэрэггүй. Учир нь түүнийг байнга хянавал энэ нь эцэстээ залхааж, гэр бүл дэх уур амьсгалыг зөрчилтэй болгоно.

– Та хадам эхдээ тийм ч таатай бус ханддаг, гэтэл нөхөр чинь ээждээ сайнаар ханддаг бол түүнийг нь бүү эсэргүүц. Та ээждээ хайртай шиг тэр ч бас ээждээ хайртай шүү дээ,

– Нөхрөө үе үехэн магтан сайшааж, бас дэмжиж бай,

– Нөхрийнхөө дургүй зочдыг гэртээ битгий урь,

– Нөхөрт чинь таалагдахгүй байгаа бол ямар нэг урилгыг бүү хүлээн ав,

– Гэр орондоо эмэгтэйчүүдийн эрх энэ тэр гэж ярих хэрэггүй. Учир нь ийм сэдэв угаасаа л маргаан үүсгэдэг.

Нөхрүүдийн анхааралд:

– Буйдан орон дээр хэвтэн зурагт үзэж цаг үрэх хэрэггүй. Эхнэртээ тусалж, дэлгүүр хоршоо явж хүнсээ цуглуулж бай,

– Хоол идэж байхдаа юм бүү унш,

– Үдэшлэг дээр хоёулаа очсон бол эхний бүжгийг заавал эхнэртэйгээ хий,

– Хаалгаар орж гарахдаа эхнэрээ үргэлж урдаа гаргаж оруулж бай,

– Эхнэртэйгээ хамт байхдаа өөр эмэгтэй рүү эргэж харахгүй байхыг хичээ,

– Ямар нэг шалтгаан хэлэлгүйгээр жижиг бэлэг авч өгч бай,

– “Би чамаас шаардаж байна” гэдэг үгийг бүү хэрэглэ.

/Хань/