Өсвөр насныхны асуултад хариулж байна

-Би 15 настай. Бэлгийн хавьталд орсноор өсөлт зогсох уу?
-Бэлгийн хавьтал нь хүний өсөлтөнд ямар нэг нөлөө үзүүлдэггүй. Гэхдээ хэтэрхий эрт (өсвөр насандаа) бэлгийн харьцаанд орох нь хүний бие бялдар хөгжилд сөргөөр нөлөөлдөг. Учир нь энэ насанд хүний бие бялдрын хөгжил гүйцэд төлжөөгүй байдаг.

-Би 19 настай. Хэдэн насанд жирэмслэх нь тохиромжтой вэ?
-Ерөнхийдөө хүүхэд төрүүлэхэд хамгийн тохиромжтой насыг 20-25 нас гэж үздэг. Энэ насанд эмэгтэй хүний бие махбодь нь хүүхэд тээхэд тохиромжтой үедээ байдаг. Мөн өөрөө болон хүүхэд нь эрүүл байх баталгаатай үе юм. Хүүхэд төрүүлэх эс төрүүлэх асуудалд туйлын хариуцлагатай, ул суурьтай хандах нь нэн чухал. Ингэж хандаж чаддаггүйгээс хүсээгүй, төлөвлөөгүй хүүхэд гарч, үл ойлголцолд хүрэх тохиолдол зарим залуу гэр бүлд олонтаа гардаг. Хүүхэд төрүүлэх асуудалд дур зоргоороо бус, харин хоёул харилцан ойлголцож, бүрэн дүүрэн тохиролцож зөвшөлцсөний үндсэн дээр шийдвэр гаргах ёстойг мартаж болохгүй.

-Ганц удаагийн хавьтлаар жирэмслэх магадлал хэр өндөр байдаг вэ?
-Ер нь залуусын дунд (тэр дундаа өсвөр насныханд) ганц удаа хавьтахад юу л болоо аж, гэсэн хэнэггүй хандлага ажиглагддаг. Гэтэл хөгжингүй орнуудын судалгаагаар ганц удаагийн тохиолдлын чанартай хавьтлын үр дүнд жирэмслэх магадлал 85,7 хувиар байдаг болох нь тогтоогджээ.

Учир нь ийм харьцаа маш хурдан шуурхай болдог тул эр сперматозомын (үрийн шингэн) боловсролтын хугацааг гурав дахин эрчимжүүлж, идэвхжүүлдэг байна.

/Хань/