Хүүхнүүдийг эргүүлэхдээ гаргаж болохгүй алдаанууд

Хүүхнүүдийг араасаа хуйлруулан дагуулдаг эрчүүд байдаг. Тэдний энэ авьяасыг хараад атаархаж суудаг эрчүүд ч бас байдаг. Гэтэл эдгээр эрчүүдийн аль аль нь ч доорх алдааг байнга гаргадаг байна. Жишээ нь:

• Нүдэндээ зүүсэн хар шилээ авдаггүй. Гэтэл хүүхнүүд хүний нүд рүү харж ярилцах дуртай байдаг.
• Чихэвчээ зүүчхээд юм ярих гээд байдаг. Үнэндээ хүний яриаг сонсоогүй байж хүнтэй юугаа ч ярих билээ. Энэ нь цаад бүсгүйгээ үл хүндэтгэж буй хэрэг юм.
• Эмэгтэйдээ дэндүү ойртож суудаг. Ямар ч хүн танихгүй хүний амьсгалыг нүүрэн дээрээ шахуу мэдрэхийг хүсдэггүй шүү дээ.
• Сэтгэл татам сайхан зүйл ярихын оронд элдэв онигоо ярьж баясдаг. Дөнгөж танилцаж байгаа үедээ хүүхнүүд марзан үг яриа сонсох дургүй байдаг.
• Эд хөрөнгөөрөө гайхуулдаг. Унасан машин ч юмуу, эсвэл өмссөн хувцасныхаа үнэ цэнээ хэлж гайхуулах нь эр хүний хамгийн муу зан төдийгүй сагсуу зан нь хүүхнүүдийн хамгийн дургүй зүйл шүү дээ.
• Хэтэрхий олон зүйл чалчдаг. Танилцаж буй хүүхэндээ ярих зав чөлөө өгөлгүй хэт мэдэмхийрдэг.
• Юм ярихдаа нүүрээ буруулдаг. Энэ нь хүүхнүүдэд төдийгүй эрчүүдэд ч таалагддаггүй. Бүсгүй хүнийг өөртөө татахад хамгийн чухал нь харц, тэр тусмаа сэтгэл татам сайхан инээмсэглэл юм шүү гэдгийг мартаж болохгүй.