Бэлгэвчийг давхарлаад хэрэглэж болох уу…

Бэлгэвчний тухай хvмvvсийн дунд байдаг янз бvрийн ойлголтод хариу өгөх зорилгоор бид дараах материалыг бэлтгэлээ. Нэгэн кинон дээр жvжигчин толгойдоо бэлгэвч углачихсан гардаг. Энэ нь хэдийгээр комьютерийн заль боловч vнэн хэрэгтээ уг резиныг тэгж ихээр сунгаж болохгvй.

Эндvvрч байна. Латексэн бэлгэвч маш уян хатан. Уртаашаа 90 см, өргөн нь 35 см хvртэл сунана. Толгойдоо ч углаж болно. Гэхдээ ингэхийн хэрэг байна уу даа. Нэгдvгээрт амьсгаа давчдан бvтэж болно. Хоёрдугаарт бэлгэвч vс, хөмсөгийг хайр найргvй тасдана!

Аюулгvй байдлаа улам баталгаажуулахын тулд бэлгэвчийг давхарлан хэрэглэж болно.
Тэгэхийн хэрэггvй! Харин ч давхарласан бэлгэвч аюулгvй байдлыг улам багасгана. Учир нь бэлгэвч бvр нь өөрийн хэмжээгээр сунана. Гадна талын бэлгэвч нь умайн ханатай нийлж улам сунаж байхад дотор талын бэлгэвч эр хvний бэлэг эрхтэнийг нягт ороож бага сунана. Ийнхvv бэлгэвчvvд өөр хоорондоо vрэлцэж урагдаж болно. 1994 онд Кинсийн /АНУ/ их сургууль дээр нэгэн туршилт явуулжээ. Давхарлаж угалсан бэлгэвчтэй 10 сайн дурын оролцогч сонгож авсан эмэгтэйчvvдтэйгээ секс хийхэд гадна талын бэлгэвч таван минутын дараа, харин дотор талынх нь дөрвөн минутын дараа урагдсан байна. Хоёр бэлгэвч хоорондоо vрэлцсэн нь урагдах шалтгаан болжээ.

Бэлгэвч байнга хэрэглээд байвал бэлгэвч углах vед бэлэг эрхтэн хөвчрөхөө болино.
Харин ч vгvй! Энэ нь бэлгэвчийг анх хэрэглэж буй эрчvvдэд сурч дадаагvй учраас л олонтой тохиолддог. Харин туршлагатай хvмvvст “эерэг” рефлэкс vvсч бэлэг эрхтэн нь тэр дороо хөвчирч бэлэн байдалд орно.

Хэрэглэсэн бэлгэвчээ жорлонгийн суултуур уруу хаяж болохгvй!
Бэлгэвч бага хэмжээтэй ч гэсэн өөрийн суналтаараа сувгийн хоолойг бөглөж доод давхрын хөршдөө төвөг учруулж болзошгvй тул бэлгэвчийг жорлон руу бvv хая!

Жинхэнэ фирмийн бэлгэвчvvд “сахал”-тай байдаггvй. Тасарч vлдсэн “сахал”-ын vс нь эмэгтэйг гэмтээж болзошvй.
Бас ч тийм биш. Алдартай зарим фирмvvд тасардаггvй сэртэн хэлбэртэй латексийн “сахал”-тай бэлгэвч vйлдвэрлэдэг юм. Гэхдээ таньж мэдэхгvй фирмийн бэлгэвч хэрэглэх нь аюултай. Чанар муутай “сахал” нь эмэгтэйн умайн хvзvvг гэмтээж шархлаа vvсгэнэ. Бэлгэвч нь vстэй хэсгээрээ урагдах нь элбэг тул сексийн дараа бэлгэвчин дээрх “сахал”-ын тоо цөөрсөн бол эмэгтэйчvvдийн эмчид vзvvлэх хэрэгтэй. Гадны жижиг биетvvд vтрээгээр дамжин дотогш нэвтрэн орж vрэвсэл vvсгэх магадлалтай. Эмэгтэй нь бэлэг эрхтэнээ угаах нь хангалтгvй.

Хэрэв бэлгэвч байнга мултраад байвал та сексэнд хэт идэвхтэй байна гэсэн vг.
Хамаг хэрэг сексийн идэвхтэй байгаад бус харин бэлгэвч танд томджээ гэсэн vг. Иймд арай бага хэмжээтэй бэлгэвч хэрэглээд vз. Бэлгэвчний дундаж тогтмол хэмжээ урт нь 180 мм, өргөн нь 52 мм, зузаан нь 0,07 мм байдаг. Гэхдээ бэлгэвчийг тухайн хvний бэлэг эрхтэний урт, өргөнд тохируулан дундажлаад одоо 1-4 хvртэл размерийн бэлгэвчийг vйлдвэрлэж байгаа билээ. Цамц эсвэл костюм өөртөө сонгохоос бэлгэвч сонгох нь хавьгvй хvнд асуудал.

Бэлгэвчийг мөнгөний хэтэвч болон автомашины суудлын урд талын хайрцаганд хадгалж болохгvй.
Үнэхээр болохгvй! Бэлгэвчийг хэтэвчинд хадгалснаар нь тvvний гадна уут төдийгvй бэлгэвч ч гэмтэж болно. Харин автомашины суудлын урд талын хайрцаг нь бэлгэвч хадгалахад зохимжгvй, хэт дулаан газар. Ер нь бэлгэвчийг 0С-ээс +25С хэмд хадгалахыг зөвлөсөн байдаг. Нарны гэрэл шууд тусах газар хадгалахыг хориглодог юм. Харин болзоонд явахдаа бэлгэвчийг тvр хугацаагаар л хэтэвч, машиндаа хийж болно гэдгийг санавал зохино.

Бэлгэвч нь бэлгийн замын бvх төрлийн өвчнөөс хамгаалж чадахгvй.
Харамсалтай нь тийм шvv! Бэлгэвч нь шээс, бэлгийн замаар халдварладаг өвчинvvдээс /заг, хvйтэн, хламидиаз, ДОХ…/ хамгаалдаг ч бэлэг эрхтэний арьсыг гэмтээх өвчинvvдээс /герпес, тэмбvv, кондилом/ хамгаалахдаа vр дvн муутай. Харин хамуу, умдагны бөөснөөс бvр ч хамгаалж чадахгvй.

Бэлгэвчний гадна хэсэг нь л тосолгоотой байдаг.
Тийм ээ, гэхдээ зарим тохиолдолд бэлгэвчийн дотор талыг нь тосолсон байдаг. Ер нь ихэнх бэлгэвчний гадна талыг тосолсон байдаг нь эмэгтэйн vтрээ рvv ороход хөнгөвчилнө. Зарим төрлийн тосолгооны найрлаганд нян, эр эсийг устгах болон анхилуун vнэртэнг нэмж оруулсан байдаг. Хоёр талын тосолгоотой бэлгэвч ч бий. Тосны найрлаганд бензокаин, лидокаин зэрэг эрэгтэй хvний бэлэг эрхтэний мэдрэх чадварыг бууруулах бодисыг оруулсан байдаг нь сексийн vргэлжлэх хугацааг уртасгадаг юм.

Өөрөө углагч бэлгэвч байдаг гэнэ.
Байлгvй яах вэ. Хуйлж ороосон бэлгэвчинд vзvvр нь ил гарсан тууз бий. Бэлгэвчийг бэлэг эрхтэний толгойд углаад уг туузны vзvvрээс татахад бэлгэвч өөрөө дэлгэгдэнэ.

Ямар ч бэлгэвч vргэлжилсэн хоёр цагийн сексийг даахгvй.
Тийм ээ. Хэрэв бэлгийн ажил цаг гаруй vргэлжилбэл бэлгэвчин дотор бичил хагарал vvсэх учраас нэг бэлгэвчийг 1,5-2 цаг хэрэглэж болохгvй.

Хэрэв бэлгэвч хэрэглэхдээ нэмэлт тосолгоо шаардлагатай гэж бодвол нvvрний болон ердийн ямар ч тосоор орлуулж болохгvй.
Тийм ээ, ямар ч тохиолдолд болохгvй шvv! Тосон суурьтай тухайлбал гарын тос, вазелин эсвэл иллэгний тос хэрэглэж болохгvй. Тос минут хvрэхгvй хугацаанд латексыг задална. Бэлгэвчин дээр зөвхөн усан суурьтай тосыг /гидрогель/ л хэрэглэж болно.

ЖИЧ: Том хэмжээтэй бэлгэвчний хайрцаг дээр large, extra large, magnum, king size, XXL буюу super гэсэн vгнvvд бичээстэй байдаг. Харин арай бага хэмжээтэй standart, classic, close fit буюу shaped мөн “strong fixtion” /гулсалтаас хамгаалсан цагирагтай/ гэсэн бичээс бий. Гэхдээ “жижиг бэлэг эрхтэнд зориулсан” гэсэн бичигтэй бэлгэвчийг бvv хайгаарай. Үйлдвэрлэгчид зориутаар ийм бичигтэй бэлгэвчийг vйлдвэрлэн гаргахгvй. Учир нь ийм бичигтэй бэлгэвчийг эрэгтэй хvмvvс худалдаж авахгvй нь мэдээж хэрэг.