Эрчүүдийг юу залхаадаг вэ?

Эмэгтэйчүүдийн нэг зүйлд эрчүүд их бухимддаг байна. Тэр нь яаж ч болохгүй асуудлын талаар эрчүүдэд ярьдаг яриа юм. Жишээ нь:

• Нөгөө хүүхэн чинь жигтэйхэн гоёсон байна лээ. Ямар мөнгөөрөө тэгж тансагладаг байна аа? Чи юу гэж бодож байна даа.
• Тэр хоёрыг салсан гэсэн чинь худлаа юм шиг ээ. Хамт л явж байх чинь билээ?
• Миний бие нэг л муу байх шиг. Хаврын хямрал, ядаргаа юм болов уу? гэх мэт.
• Эрчүүдэд иймэрхүү яриа үнэндээ таалагддаггүй ойлгох ч үгүй байж мэднэ. Учир нь эмэгтэйчүүд асуудлаа нэг бүрчлэн ярихаар эрчүүдэд тэр болгоныг нь шийдэх аргыг олох, хариуцлага хүлээж буй мэт сэтгэгдэл төрдөг байна.
• Тэд хоорондоо уялдаагүй баахан асуудлыг сонсонгуутаа тэсвэр алдаж эхэлдэг. Гэтэл эмэгтэйчүүдэд шийдвэр биш зүгээр л ярьсныг нь сонсож, ойлгож, хүлээж авах л хэрэгтэй гэдгийг эрчүүд анзаардаггүй. Үүнээс болж гэр бүлд үл ойлголцол үүсэх нь бий. Зарим эрэгтэй, эмэгтэй хүний нуршуу, үргэлжилсэн ярианд бүр ядарч, стресст ордог байна.

Тиймээс танд зөвлөхөд:

• Хэрэв та түүнийг сонсоосой гэж хүсч байгаа бол аль болохоор товчхон ярь. Эрчүүдэд уг процесс биш үндэс шалтгаан нь чухал байдаг.
• Хүний нэр усыг олон дахин бүү давт. Болдоо, Батаа, Туяа, Цэцгээ нар дотор нөхөр чинь бүр будилж гүйцнэ.
• Барьцсан, атаа жөтөөний сэдэвтэй зүйлийг бага ярь. Эр хүн иймэрхүү ярианд барьц алдаж, яахаа ч мэдэхгүй сандардаг. Тэр танд юугаар туслахыг мэдэхгүй тул бухимдах нь бий.
• Эр хүнд, ярианы чимэг бус харин баримт үндэслэл хэрэгтэй байдаг. Тиймээс яриа чинь цаг агаараас эхлээд найз эмэгтэйн савхин дээлээр дуусч болохгүйг санууштай.

Хань