Эрчүүдийн сексийн дараах амьдрал

Эрчүүдийн дийлэнх нь сексийн дараа эхнэр буюу секс хамтрагчаа өөрийг нь тайван орхиж, өөр ямар нэг зүйлээр сатаараасай гэж хүсдэг болох нь судалгаагаар нотлогджээ. Гэтэл эмэгтэй хүн эсрэгээр байдаг аж.

Тэд сексийн дараа ярих, хамтрагч эрийнхээ анхаарлын төвд байх хүсэл нь идэвхжин сэргэдэг байна. Эр эм хүйстний сексийн дараах ийм эсрэг тэсрэг иймэрхүү байдал нь үл ойлголцол, бэрхшээл авчирдаг.

Сексийн дараа эрчүүд хувиа хичээдэг
Магадгүй, хамтрагч залуу чинь энгийн үед маш найрсаг, соёлтой нэгэн байж болох юм. Гэвч эр хүний мөн чанар сексийн дараа илэрч болно.

Хамтрагч бүсгүйнхээ хүсэл, сонирхлыг үл ойшоон зөвхөн өөрийн тааламжит байдалд анхаарлаа төвлөрүүлдэг эрчүүд цөөнгүй бий. Ийм эрчүүд сексийн дараа “Би амармаар байна” гээд өөр орон дээр унтах ч тохиолдол бий.

Таалагдахгүй зүйл бүү хий
Тэр таны тэвчиж чадамгүй байрлалыг санал болгох юм уу танд таалагдахгүй зүйлд дуртай байж болно. Сексийн дараах биеэ авч явах байдал ч эргэн уулзхааргүй шалтаг болж болдог. Тухайлбал, та хоёр шөнийг гайхалтай өнгөрүүлчихээд байтал найз бүсгүй тань өөр рүү тань утасдана. Гэтэл та ямар гайхалтай шөнийг өнгөрүүлсэн тухайгаа ч юм уу цагаахнаар ярина. Иймэрхүү дэмий үг эрчүүдийн эгдүүцэл, зэвүүцлийг төрүүлдэг гэнэ.

Сексийн үед юу ч битгий шаард
Сексийн үед эр хүнээс ихийг шаардах нь түүний сексийн чадавхид эргэлзэж байгаа мэт сэтгэгдлийг түүнд төрүүлдэг гэнэ. Харин зааж зааварлахын оронд түүнд урмын, магтаалын үг хэлэх нь нийцдэг байна. Эмэгтэй ” ханамж авсангүй” гэж хэлэхэд эрчүүд гомддог аж. Учир нь өөрөө болчихоод байхад хамтрагч нь гомдолтой байхыг эрчүүд ер ойлгодоггүй гэнэ. Амиа хичээсэн хүний дүр төрх мөн байгаа биз?

Хурхирахад нь ч гэсэн бүү саад бол
Дур тавилтын дараа булчинг тэтгэгч цусан дахь глюконы хэмжээ багасдаг. Үүний улмаас эрчүүд ямар ч хүч чадалгүй, сулбагар нэгэн болж хувирдаг байна. Энэ үед нь түүнтэй ямар нэгэн асуудлыг шийдвэрлэх, ярьж хөөрөх гэсэн бүх оролдлого талаар болно шүү. Хурхирахад нь ч гэсэн бүү саад бол.

/Хань/