Тачаангуй амраг байхын тулд

Магадгүй чи өөрийгөө ямар ч эрийг өмнөө сөхрүүлж бас түүнд сексийн ханамж таашаал эдлүүлж чаддаг бүсгүй гэж боддог байж болох юм. Хэрэв чи ингэж чаддаг бол баяр хүргэе. Харин үүнтэй саналд нийлэхгүй буюу өөрийгөө тачаангуй амраг гэж хэлж чадахгүй хүүхнүүд хийж буй зүйлээ орхиод миний өгүүлэх гэж буй зүйлийг анхааран унш. Бид алхам тутамдаа бүр орондоо хүртэл эрчүүдтэй яаж хэл амаа ололцохоо мэддэггүй. Иймээс ч өнөөдөр би таньтай эрчүүдтэй хөнжил дотроо хэрхэн ярилцаж тэднийг буулгаж авах арга мэхэнд суралцах талаар өгүүлэх болно.

Эр хүн чинь чиний бодож байгаа шиг аймшиггүй зоригтой, халдашгүй дархан улс биш шүү дээ. Тэдний хөшүүн бас сэтгэл хөдлөлгүй хөлдүү байдал гаргадгийн учир шалтгаан нь ердөө тэднийг бага байхаас нь л “чи эр хүн шүү, эр хүн уйлдаггүй юм, эр хүн хатуу чанга зоригтой байх ёстой” гэж сургадагт оршино. Yнэхээр ч бид эмэгтэй хүн цэвэр ариун, дөлгөөн даруухан байх ёстой гэж сонсож өсдөг шиг ийм л зүйл сонсож өсдөг учраас тэд сэтгэлийн хөдлөлд автаж өөрийгөө байгаагаар нь харуулчихвал хулчгар, доожоогүй өрөвдөлтэй амьтан болоод хувирчих юм шиг санадаг. Yнэндээ тэдэнд ямар ч сонголт байдаггүй. Тэдний дотор орших бодол нь түүнд үргэлж “Анхаарал болгоомжтой бай” гэж сануулж хэлж байдаг тул тэд хэзээ ч илэн далангүй байж чаддаггүй. Мөн тэр чамайг хайхрахгүй байгаадаа биш харин юу гэж хэлэхээ мэдэхгүй байгаа учир бас тэнэг хүн болж харагдахвий гэж эмээсэндээ хайхрамжгүй бас үл ойшоосон дүр эсгэж баг зүүдэг. Тэгэхээр хэн нь өрөвдөлтэй амьтад байна даа! Чамайг ванныхаа өрөөнд юм угааж байхад чинь нөхөр чинь эсвэл найз залуу чинь гэнэт тэвэрч илэн таалж секс хийхийг санал болгож байсан уу ? Тийм гэж хариулах биз ээ. Эрчүүд бидэн шиг цаг үргэлж хайртайгаа хэлж түүний энгэрт наалдан эрхэлж суухаас илүүтэй хайрлаж бас хүсэж буйгаа сексээр илэрхийлэхийг эрмэлздэг. Энэ нь мөн л тэдний хаалттай хаалганы цаана сэтгэл зүрх нь оршиж буйгаар тайлбарлагдана. Мөн тэд асуудалд орж уурлаж бухимдсан үедээ сексийг санал болгох нь ч бий. Учир нь тэд хайр халамж тайвшралыг хүссэн болоод л тэр. Иймээс чи түүнтэй сексийн харьцаанд орохдоо түүний нүүрний хувирал, зан байдлыг нь сайтар анзаарч байгаарай. Гэхдээ чи түүнийг хүсч байхад нь дургүйц гэж хэлэх гээгүй юм шүү. Түүнд урам хайрлаж түүнд халуун өврөө дэлгэн угтаж авахаас бүү татгалзаарай.

Харин одоо асуудлын хамгийн гол зүйл болох ямар үйлдэл бас зан эрчүүдийн дүргүйцлийг хүргэж секс хүслийг нь унтраадаг талаар ярилцъя.

Өөрийг нь хүсч байгаагаа илэрхийлдэггүй , түрүүлж алхам хийхээс зайслхийдэг бүсгүйчүүд
Хэдийд ч чи өдөөгч байхаас бүү татгалз. Чамд сонирхолтой бас хамтрагчаа эзэгнэх гэсэн хүсэл чинь санаж төсөөлж байсан ханамж таашаал чинь хэд дахин ихийг хүртээх болно. Ийм хүйтэн хөндий байдал нь эрчүүдэд хөндий хүйтэн харьцааг санагдуулдаг байна.

Зааварлагчаас тэд үргэлж дөлдөг.
Учир нь яг одоо, сайхан байна, дахиад гэх мэтчилэн үргэлж ам хамхилгүй заавар зөвлөгөө өгч бүгдийг удирдан жолоодох дуртай зан эрчүүдэд болгоомжлох сэтгэгдэл төрүүлээд зогсохгүй өөрийгөө юу ч чаддаггүй мэт санахад хүргэдэг.

Ямар ч идэвхигүй бүсгүйчүүдэд дургүй.
Намайг яавал яаг гэсэн шиг өмнө нь алцайгаад хэвтэж буй ямар ч идэвхи санаачлагагүйгээр зогсохгүй дуу авиа ч гаргахгүй үхмэл байдал эрчүүдэд үргэлж тэнэг санагддаг.

Арчаагүй өөртөө анхаарал тавьдаггүй бүсгүйчүүдэд дургүй
Эмээгийн дотуур өмд өмсөж хуучирч сунасан хөхний даруулга зүүсэн бас цэвэрхэн биш эмэгтэйчүүдийг эрчүүд жигшдэг. Учир нь өөртөө анхаарал тавьж, хайрлаж чаддаггүй хүн хэнийг ч хайрлаж халамжилж чадахгүй гэж тэд боддог юм. Тэгээд ч ийм хайнга байдал нь эрчүүдэд өөрсдийг нь үл тоомсорлож буй мэт сэтгэгдэл төрүүлдэг.

Сексийг хүсдэггүй мэт дүр эсгэх
Өөрийг нь хүсэхгүй байгаа мэт дүр эсгэж үл тоомсорлож хайхрахгүй байгаа мэт байдал гаргахад эрчүүд өөрийгөө эмэгтэй хүний хайрыг татаж, анхаарлыг татаж чаддаггүй чадваргүй эр гэж үнэлдэг. Иймээс ч тэд өөрт итгэх итгэлээ алдаж сэтгэлээр унадаг.

Хэт их будаг нялсан царай
Yнэхээр эрчүүд зузаан будаг биш харин торгомсог зөөлөн булбарай арьс харахыг хүсдэг. Хэт их зузаан будаж өөрийнхөө жинхэнэ нүүр царайг далдалдсан байдал нь өөртөө итгэлгүй бас сэтгэл хангалуун биш нэгэн юм гэсэн үнэлэлтийг эрчүүдээс хүртэхэд хүргээд зогсохгүй хуурамч зан гаргаж харьцаад байгаа юм шиг эрчүүдэд санагдаж болгоомжлох сэтгэгдэл төрүүлдэг.

Хэт задгай, илэн далангүй байдал.
Задгай хувцас, илэн далангүй байдал эрчүүдийн сэрлийн хөдөлгөж дур хүслийг эзэмддэг ч тэд нэг унтаад л өнгөрөхийг юун түрүүн урьтал болгох болно. Иймээс чи эр хүнтэй дотно бас бат бөх урт удаан хугацааны харьцаанд орохыг хүсч байгаа бол шалиг залхай байхаас татгалз. Тэр чамайг секс бөмбөг биш хувь хүний чинь хувьд хүлээж авах ёстой.

Аман сексээс зайсхийдэг
Эрчүүд 100% аман сексд дуртай байдаг. Учир нь тэд аман сексийг сэтгэл зүрхээ нээж итгэлцэж чадаж байгаагийн илэрхийлэл гэж үздэг. Иймээс чи түүнийг хүссэн үед нь аман секс хийж байгаарай. Мэдээж энэ хүсээгүй үедээ дургүй зүйлээ хийж бай гэсэн үг биш юм шүү. Түүний эр бэлэг эрхтэнг бүхлээр нь үмхэлгүйгээр зүгээр л нэг тээрхий дээр нь үнсчихэд л хангалттай шүү дээ.

Юу хүсч байгаагаа хэлдэггүй байдал
Эрчүүд өөрсөдтэй нь сексийн талаар илэн далангүй ярилцаж яавал тааламжтай бас тааламжгүй байдаг талаар ярилцахыг хүсдэг. Харин бид хэзээ ч энэ тухай ам нээдэггүй. Муухай ч байсан сайхан ч байсан таг дуугүй тааламжтай сайхан байгаа мэт дүр эсгээд л өнгөрдөг. Иймээс яавал өөртөө сайхан байдаг, юу таалагддаггүй талаар ярилцаж бай. Ингэж ойлголцож чадвал та хоёрын харьцаа улам бэхжих болно.

Нэмж хэлэхэд чи үргэлж бүхнийг хяналтандаа байлгах гэж хичээж өөрийгөө хянах хэрэггүй. Биеэ суллан сэтгэл санаагаа тайван байлгаж элдэв бодол хүлээсээсээ мултарч хаалгыг чинь тогшиж буй тэр эрхэмд халуун өврөө нээ. Аз жаргал чамайг биш харин чи өөрөө аз жаргалыг олох ёстой юм шүү.