Хайрт залуудаа илгээх захиа…

Сайн байна уу? Би танай сайтыг байнга унших дуртай нэгэн байна. Энэ бол сүй тавьсан залуугийн минь нэр. Дэндүү товч нэртэй болоод ч тэр үү анх надад хоч нь ч юм болов уу гэж бодогдож байсан. Хожим нь ажиглаад байх нь ээ, ийм нэртэй хүн цөөнгүй байдын байна лээ. Гэхдээ миний хувьд цорын ганц даруухан тэр л оч. Энэ залуутай олон удаа салж нийлсээн. Одоо харин дахиж салвал хэзээ ч эргэж нийлэхгүй юм шиг санагддаг, бүр мэдэрдэг. Тиймээс түүнийгээ алдахаас айдаг. Анхны хайраа өөр хүнд өгсөн минь, дараа нь тэгээд мартаж чадаагүй удсан минь түүний хайрыг хөргөсөн байж магадгүй. Одоо тэр минь надаас хол байгаа, эргэж ирэхийг нь хүлээгээд баяртайгаар тосч авахыг хүссэн ч даанч би ирэхээс нь өмнө явах болчлоо.

Зүгээр л сэтгэл нэг л харанхуйлаад байна. Эргэж ирэхэд минь тэр намайг хүлээж байхгүй ч юм шиг, айгаад байна. Яг одоо, яг одоо чи надад хэрэгтэй байна, чамайг маш их санаж үгүйлж байна, чамайг алдмааргүй байна, дахин чамдаа тэврүүлж үнсүүлмээр байна. Ядар ч үхтлээ хамтдаа алхмаар байна. Яг одоо чинийхээ өвөр дээр минь нойрсож буй тэр л дүрийг хармаар байна. Яг одоо чамдаа хайртай гэж хэлмээр байна. Энэ үгэнд минь чи итгэхгүй ч байж магад, эсвэл чамд үнэ цэнэгүй санагдаж магад. Тэглээ гээд би гомдохгүй ээ, намайг хүлээж чадахгүй байсан ч би гомдохгүй. Тэр үед хайртай гэж хэлээгүйг минь ойлгоорой.

Өөрийн биеэр нүдийг чинь харж байгаад хэлье гэж бодсон юм. Болзоондоо хоцордог байсныг минь уучлаарай. Чамдаа л сайхан харагдах гэсээр байгаад хоцордог байсан. Хайраа гэж дуудсан анхны хүн минь чи. Алдхаас айсан анхны хүн минь чи. Бас надад чихмэл бэлэглсэн анхны хүн бол чи. Анх удаа ааваасаа өөр эрэгтэй хүнд хоол хийж өгсөн. Амттай болоогүй байх л даа. хэхэ Анх удаа гэрийн минь үүдэнд хүлээж бас хүргэж өгсөн хүн нь бас л чи. Анх удаа захиа бичиж, бас авсан хүн нь чи. Бас хамгийн анх үерхэе гэж хэлсэн хүн нь чи. Гэхдээ яагаад би энэ бүхнийг чамдаа ингээд хэлчиж чадахгүй байгаан бол? Магадгүй хэзээ ч уншихгүй гэдгий чинь мэдэж байгаа болохоор ийнхүү зориглон байж бичиж байгаа байх. Чамдаа сайн сайхан бүхнийг хүсье. Чи минь аз жаргалтай байгаарай. Хайртай шүү. Үнсье.